Zaintza eredu berriaren inplementazioa (2023)
Zaintza eredu berriaren inplementazioa (2023)
Zaintza azokan talde operatiboen hausnarketak plazaratu ostean, zaintza eredu propio bat lortzeko bide orria egin zen, alegia, zein neurri eta noiz ezarriko ziren zehaztu zen. Bide orri horretan bost lan ildo markatu ziren:
- Zeharlerrotasuna
- Zaintza komunitarioa
- Zaintza arretaren eraldaketa
- Gizarte zerbitzuetan kasu-kudeaketaren inplementazioa
- Ebaluaketa
Parte-hartze prozesutik bost lantalde egonkor sortu dira:
- Talde estrategikoa. Ikuspegi globala duena, talde guztietako kideekin: guztiaren gainean daude.
- Gizarte zerbitzuak. Bizi-plan parte hartzaileak egingo dituzte.
- Komunitatea. Zaintza herriko bizitzan txertatzeko proposamenak egiten dituzte.
- Talde soziosanitarioa. Hilabetero biltzen den Osakidetzako eta udaleko gizarte zerbitzuen lantaldea.
- Zerbitzuetako lantaldea. Herrian zaintzaren bueltan lanean ari diren zerbitzuetako ordezkariek eta udaleko gizarte zerbitzuek osatzen dute.
Langile profesionalen, erabiltzaileen eta zaintzaile afektiboen kasuan, ez da lantalde egonkorrik sortu, baina hartu-emanak izan dira, haien ekarpenak parte-hartze prozesuan txertatu ahal izateko.