Edukira joan

Webgunearen titulo eta logoa

Mostrar/ocultar men� principal de navegaci�n [eu]

Barruko orrien irudia

Aplikazio habiaratuak

Aplikazio habiaratuak

Albisteak

400 euroko bederatzi sari zozkatu dituzte gidabaimena euskaraz lortu dutenen artean

2024·06·18

400 euroko bederatzi sari zozkatu dituzte gidabaimena euskaraz lortu dutenen artean

Buruntzaldeko udalen ekimenez, 2023an gidabaimena euskaraz prestatu eta lortu zutenen arteko zozketa egin dute. Elur Zaldua Elortza izan da saritua, Usurbilen.

Adineko emakume zaintzaileek botako dute Santixabeletako txupinazoa

2024·06·17

Adineko emakume zaintzaileek botako dute Santixabeletako txupinazoa

Jai Batzordeak agerraldi jendetsua egin du, Santixabeletako egitaraua, diseinuaren irabazlea eta txupinazoaren ingurukoak aurkezteko. Festei lotutako bi deialdien emaitzen berri eman dute: adineko emakume zaintzaileek botako dute txupinazoa, eta Ane Ibargoien Alvarezek irabazi du egitarauaren diseinu lehiaketa. Azken urteetan Usurbilera bizitzera etorritako zenbait herritarrek parte hartuko dute soka dantzan, udalbatzako zinegotziekin batera, udal-gobernuaren gonbidapena onartu ostean. Koadrodun zapi urdina soinean hartuta, herri kalejira jendetsua egin nahi du jai batzordeak txupinazoaren ostean: herritar guztiak gonbidatu dituzte parte hartzera.

Askatasuna plazako aterpea irazgaizteko lanak hasi dira

2024·06·14

Askatasuna plazako aterpea irazgaizteko lanak hasi dira

Gaur hasi dira aterpea egokitzeko lanak, eta hamar bat egun beharko dituztela aurreikusi dute. Herritarren segurtasuna bermatzeko helburuz, eremura ez sartzeko hesiak jarri dituzte.

Aldaketak trafikoan, Uxue Trail lasterketa solidarioa dela eta

2024·06·13

Aldaketak trafikoan, Uxue Trail lasterketa solidarioa dela eta

Igandean, ekainak 16, Uxue Trail lasterketa solidarioa dela eta, Oxtapeko sarrera trafikoarentzako itxita izango da 08:30etik 14:00etara. Donostia-Zumaia autobusak San Inazioko biribilgunean geldituko dira, eta Udaltzaingoak ibilgailuen sartu-irtena ere handik egiteko eskatu du. Santueneatik Zubietara joateko bidea ere itxita egongo da.

Zaintza, hondakinen kudeaketa eta elizako kultur ondarea, 650 Usurbil Biziren eskaintza berriaren oinarrian

2024·06·13

Zaintza, hondakinen kudeaketa eta elizako kultur ondarea, 650 Usurbil Biziren eskaintza berriaren oinarrian

Hiru bisita gidatu berri eskainiko dira, aurrerantzean, 650 Usurbil Bizi proiektuaren bitartez: bisiten data berriak bere webgunean kontsultatu daitezke jada. Proiektuaren lehenengo urtea izan den 2023aren balorazio “ezin hobea” egin dute, iazko bisiten datuak ematearekin batera.

Pauso Berriak programan jarraitzeko hitzarmena sinatu du udalak Gureak eta Atzegirekin, lau urterako

2024·06·13

Pauso Berriak programan jarraitzeko hitzarmena sinatu du udalak Gureak eta Atzegirekin, lau urterako

Programa horren helburua adimen desgaitasuna duten pertsonak ingurune arruntetan laneratzea da: lehenengo aldiz 2022ko udaberrian egin zuen bat udalak programa horrekin.

Treneko zubi zaharra eraitsiko dute datorren astean

2024·06·07

Treneko zubi zaharra eraitsiko dute datorren astean

Tren geltoki berriko lanen harira, zubi zaharra kenduko dute: gauez egingo dute lan, ekainaren 11n, 12an eta 13an, N634 errepideko trafikoa erabat etenda, 22:00etatik 06:00etara bitartean. Tarte horretan, trafikoa kaxkotik bideratuko dute.

Udala barne-auditoretzak egiten hasiko da

2024·06·07

Udala barne-auditoretzak egiten hasiko da

Baliabide publikoen kudeaketa eraginkorra egitea da barne-auditoretzaren helburua. Foru arau bat dago erabakiaren oinarrian: aurten egingo da lehenengo aldiz, eta hemendik aurrera, urtero egin beharko da. Maiatzeko osoko bilkuran eman dute erabakiaren berri.

Aplikazio habiaratuak

Azaleko botoiak

Azken Udalberri

Goiko banerrak

Lan eskaintza publikoa 2022

HAPO

Eskuratu ezazu B@kQ giltza

Iruzurrak salatzeko kanala

Parte-hartze prozesuak

Kabiene elkarlan gunea

Usurbil Kultura

Buruntzaldeko kultur agenda