Web edukia bistaratu

SANTUENEA ELKAR-LANEAN
AUZO PLANA

Auzo plana, herria eta auzo-gune jakin bat modu integralean landu eta honentzako agenda partekatu bat markatzen duen tresna da. Epe ertainerako auzoaren etorkizuna marrazten da auzo-kideen parte hartzeaz.

Hauxe da Santuenean egitera goazena. Udalaren babesaz, Hiritik At aholkularitza teknikoaren bide-laguntzaz eta, batez ere, auzokideen gidaz.

Gutxienez bi dimentsio ditu Auzo Plan orok:

  • Soziala. Parte-hartzea: Auzo plana prozesu bat da, dokumentu bat baino gehiago. Auzotarrek gidatua, bide-laguntza teknikoarekin eta galdera asko jorratzen dituena: Zer auzo dugu? Zer auzo nahi dugu epe ertain batean? Nola zehazten dugu hori urbanistikoki, ekonomikoki, mugikortasun aldetik? Etab.
  • Plana. Agenda: Edozein plan estrategikok bezala, eremu jakin baterako agenda bat jasotzen du. Ildo estrategikoak, ekintza konkretuak. Lehentasunak eta parte-hartzaileak. Aurrekontu eta “egingarritasun” aukerak. Plana bera dokumentu bizi eta pedagogiko batean jasotzea da erronka honek “auzo agenda partekatuaren” funtzioa bete dezan. Komunitarioki ere trinkotze lanabesa izan dadin.
Prozesua sakonki parte hartzailea izatea da apustua. Honela, auzoan koordinazio lantalde bat sortzeko saiakera egingo da, zeinak Hiritik At-en bide-laguntzarekin prozesuaren gidaritza eramango duen.

 

Hurrengo saioak

 

Auzo txangoak

Santuenea Elkarlanean prozesua gure auzoa hobetzeko plan integral bat osatzeari begira martxan jarri dugun egitasmoa da. Usurbilgo Udalaren babesaz eta auzotik eta auzorako egina. Lehen fase honetan diagnostiko ahalik eta zehatzena egiten ari gara. Diagnostiko hori ona izan dadin, ezinbestean auzotar ahalik eta gehienen ekarpenak behar ditugula argi dugu.

Parte hartzea ahalbidetzeko galdetegi bat osatu dugu azaroan. Zorionak auzotar guztiei: 70 galdetegi bildu ditugu! Aipatu diagnostikoa egiteko ekarpen ezinbestekoa da.

Oraindik diagnostiko fasean, talde eragiletik uste dugu diagnostikoa egiteko forma on bat badela auzoa bertatik bertara artatzea, sentitzea. Horretarako “Auzo Txangoak” antolatu ditugu.

Zer dira Auzo Txangoak?

Gai jakin batzuk aztergai hartuz, auzotik buelta bat ematea eta azterketa bertan egitea. Sinplea baina eraginkorra izan ohi den metodoa.

Honela 2 auzo txango proposatzen dizkiogu auzoari. Hauek datak eta hauek landuko diren gaiak:

  • Abenduak 2, 18.00etatik 20.00etara arte. Frontoitik abiatuta: ostegun arratsaldez, ekipamenduen, gertuko udal zerbitzuen, zaintzan, auzo ekonomian, energia trantsizioan eta gobernantzan jarriko dugu arreta
  • Abenduak 11, 10.00etatik 12.00etara arte. Eskubaloi kantxatik abiatuta: larunbat goizez eta egun argia lagun dugula, espazio publikoaren, mugikortasunaren eta irisgarritasunaren gainean jarriko dugu arreta.

     

Iritzi eta ekarpen guztiak izango dira balekoak. Beraz, ez da inongo “jakintza berezirik behar”, auzoan bizitzeak ematen duen esperientzia baita jakintzarik fidagarriena. Anima zaitez!

Dokumentuak

Auzo plana: aurkezpena

2021/06/16

  Deskargatu (PDF)

Santuenearako irisgarritasun proiektua

2021/06/30

  Deskargatu (PDF)

Web Form
Herritarren ekarpenak

* ikurra duten eremuak derrigorrezkoak dira.

Eremua ez da mandatory.
Eremua ez da mandatory.
Eremua ez da mandatory.