2020ko apirilaren 24an, Usurbilgo udalbatzako zinegotzi guztiek bat egin zuten, eguerdian, Jose Luis Zumeta artista handiari egindako agur xumean. Lore bana jarri zuten hark egindako muralaren oinetan, agur xume gisara. Herritarrek goizean goizetik euren ekimenez hasitako lore eskaintzarekin bat egin zuen, horrela, udalak.

Argazkilaria: Ibai Arrieta

Asko estimatzen dute Jose Luis Zumeta usurbildarrek, eta horren erakusgarri dira haren heriotzaren ostean, hura agurtzeko bidali dituzten dozenaka mezuak. Guztiak bideo batean bildu ditu udalak, egungo testuinguruan liburu zuririk jartzerik ez dagoenez, herritarrek hura agurtzeko aukera izan dezaten. Beste hiru bideo ere badira, ordea, herritarrek euren kabuz egin eta bidali dituztenak, eta guztiak batera jarri eta ikusgai jarri ditu udalak (behean).

Eskerrik asko Zumetarentzako agur mezuak bidali dituzuen herritar guztiei.

1.- Herritarrek norbanako gisa bidalitakoak

2.- Iñaki Salvador pianistak eta Artze familiak helarazitakoa

3.- Altuna-Zumeta familiak egindakoa

4.- Kale Nagusiko 10. zenbakiko bizilagunek egindakoa

5.- 'Bideak zabaltzen direnean, abiatu Usurbilera'

Jose Luis Zumeta margolariaren heriotzaren ondoren, gertuko zuen Bernardo Atxagak kolorearen maisuari eskaini dio Euskadi Irratiko 'Lagunarteko kontuak' saioaren 17. atala.

6.- Herritar batek Zumeta agurtzeko helarazitako bideoa