Haurren igeriketa ikastaroen arauak

1. Kiroldegian sartzeko eta kiroldegitik ateratzeko derrigorrezkoa da ikaslearen txartela tornuetatik pasatzea. Laguntzaileak ere txartel berdina pasa dezake.

2. Txartelak pertsonalak dira. Debekatuta dago beste norbaiten txartela erabiltzea.

3. Igerilekura sartu aurretik dutxatzea derrigorrezkoa da.

4. Ikastaroetan puntualtasuna beharrezkoa da, baina ezin da igerilekuan ikastaroaren ordutegiaren hasiera baino lehen sartu.

5. Igeriketa ikastaroetara ekarri beharreko arropa: bainujantzia, ikastaro hasieran emandako mailaren txanoa, txankletak eta toalla. Pixoihal erabiltzen dutenek uretako pixoihala ekarri behar dute.

6. Kiroldegian jateko gune bakarra harrera ondoko gunea da. Aldageletan ezin da jan.