Etxebizitza merkatuko tentsio handiko eremu izendapena

Udalerri bat tentsio handiko eremu izendatzeko bi baldintza zehazten ditu 12/2023 legeak. Batetik, azken bost urteetan alokairuaren prezioa KPI Kontsumo Prezioen Indizea baino hiru puntu gehiago igo izana, eta, bestetik, herritarrek euren diru-sarreren %30 baino gehiago bideratzea etxebizitzari lotutako gastuetara (alokairua, hipoteka eta etxeko oinarrizko hornidura gastuak barne hartuta).

Bi baldintzetako bat betetzea nahikoa da izendapena eskatu ahal izateko. Usurbilen, zehazki, lehenengo baldintza betetzen da: Etxebizitzaren Euskal Behatokiaren txostenean, 2017 eta 2022 artean alokairuaren prezioa gehien hazi zen udalerrien artean zerrendatu zuten Usurbil, %19,90-ko igoerarekin. Bigarren baldintza ez du betetzen, baina gutxigatik, %28 inguru bideratzen baita, batez beste, etxebizitzen gastuetara.

Udalak 2025eko martxoan eskatu zion Eusko Jaurlaritzari Usurbil izenda zezala etxebizitza merkatuko tentsio handiko eremu: izendapen hori urte bereko irailaren 12an iritsi zen. Izendapenaren ondoriozko neurriak indarrean sartzeko beharrezkoa zen iragarkia BOE Espainiako Aldizkari Ofizialean argitaratzea: 2025eko urriaren 30eko buletinean argitaratuta, neurriok indarrean daude hurrengo egunetik aurrera, urriaren 31tik.

Dokumentazioa:

Usurbilgo Udala

• Etxebizitza diagnostikoa
• Ekintza plana
• Justifikazio memoria

Eusko Jaurlaritza

• Usurbil etxebizitza merkatuko tentsio handiko eremu izendatzeko iragarkia (2025-09-12)

Espainiako Gobernua

• Usurbil etxebizitza merkatuko tentsio handiko eremu izendatzeko iragarkia (2025-10-30)

Informazio praktikoa

1. Eusko Jaurlaritzaren webgunea

https://eremutentsionatua.euskadi.eus/hasiera

Etxebizitza merkatuko tentsio handiko eremuei buruzko informazioa aurki daiteke.

2. Alokairuaren erreferentzia-indizea

https://serpavi.mivau.gob.es

Etxe bat zenbatean aloka daitekeen kalkula daiteke, bere baldintzen eta udalerriko eremuaren arabera.

3. Alokairu-errenten eguneratze indizea (IRAV)

https://www.mivau.gob.es/vivienda/calculadora-precio-alquiler

Tentsionatutzat jotako eremuetako alokairu kontratuei aplikatzen zaie, eta KPIa ordezkatzen du, kontratua indarrean dagoen bitartean errenta urtero berrikusteko, maizterra igoera handietatik babestuz. Errentaren urteko berrikuspenera ere zabaltzen da, kontratua indarrean duten maizterrek erabil dezaketen ezohiko luzapen-aldian.