Albisteak

Soinurbil musika asteak XX. edizioa du aurten

2024·02·29

Soinurbil musika asteak XX. edizioa du aurten

Hiru asteko egitaraua iragarri du Zumartek: martxoaren 7tik 21era bitartean izango da. Ohi bezala, musikaz hainbat eratara gozatzeko aukera izango da, aretoetan zein kalean, Usurbilgo kaxkoan zein Zubietan eta Aginagan.

Udal haur eskolaz hitz egiteko bilera irekia, martxoaren 6an

2024·02·29

Udal haur eskolaz hitz egiteko bilera irekia, martxoaren 6an

Azken hilabeteetan hainbat bilera egin dituzte Udarregi Ikastolak eta udalak haur eskolaren zerbitzuaren inguruan hausnartzeko. Udalak, orain, esku artean duen informazioaren berri emateko bilera irekia deitu du martxoaren 6rako: gaur egun haurrak hara eramaten dituzten gurasoak ez ezik, gaiarekiko interesa duen oro gonbidatu du bilerara.

Udala kudeaketa txostenak argitaratzen hasi da, bere jardunaren berri emateko

2024·02·27

Udala kudeaketa txostenak argitaratzen hasi da, bere jardunaren berri emateko

Udalak egunerokoan egiten duen lanaren laburpen dokumentuak dira kudeaketa txostenak: batzorde informatzaileetan landu ostean, udalaren webgunean jarriko dira eskuragarri, hilabetean behin.

Martxoaren 8rako “borrokarako, elkartzeko eta ospatzeko” egitarau bateratua osatu dute Kafe Tertuliak, Usurbilgo Emakumeon Etxeak eta udalak

2024·02·23

Martxoaren 8rako “borrokarako, elkartzeko eta ospatzeko” egitarau bateratua osatu dute Kafe Tertuliak, Usurbilgo Emakumeon Etxeak eta udalak

Martxoaren 8an, arratsaldean, Emakumeen Etxeko Asanblada, elkarretaratzea eta pikoteo musikatua egingo dituzte. Pikoteorako sarrerak asteazkenean jarriko dituzte salgai, 10 euroan, Aitzagan, Txirristran eta Artzabalen.

Etxeko konponketak egiten ikasteko ikastaroa, Jabetze Eskolaren bidez

2024·02·21

Etxeko konponketak egiten ikasteko ikastaroa, Jabetze Eskolaren bidez

Emakumeei zuzendutako ikastaroaren helburua etxeko konponketa txikiak egiteko oinarrizko ezagutzak eskuratzea izango da: bi orduko zortzi saio izango dira, eta hamabi lagunek parte hartzeko lekua dago. Izen-ematea otsailaren 26tik martxoaren 8ra bitartean izango da.

Kirol instalazioetan hobekuntzak egiten jarraitzeko konpromisoa berretsi dute

2024·02·21

Kirol instalazioetan hobekuntzak egiten jarraitzeko konpromisoa berretsi dute

Udalak udan berritu zituen Haraneko zelai artifiziala eta ateetako sareak. Guztira, 210.770 euro inguruko inbertsioa egin du udalak, eta aldundiak 76.000 euroko laguntza eman dio. Aldundiko zein udaleko ordezkariak futbol zelaian izan dira, berrikuntzak ikusten.

Ostalaritzako terrazekin bide publikoa okupatzeko baimenak eguneratu dituzte

2024·02·19

Ostalaritzako terrazekin bide publikoa okupatzeko baimenak eguneratu dituzte

Udalak eta ostalariek elkarlanean aurrez landutako irizpideen arabera, baimen eskaerak egin dituzte ostalariek. Terrazen erabiltzaileei mahaiak eta aulkiak ez mugitzeko eskatu diete. Hurrengo lana ordenantza berritzea izango da: udaberrian hasi nahi dute hori lantzen.

Martxoaren 23an inauguratuko dute Pelaioenea, auzotarrek eta emakumeek elkar hartuta

2024·02·16

Martxoaren 23an inauguratuko dute Pelaioenea, auzotarrek eta emakumeek elkar hartuta

Obrak amaitzear direla adostu dute eguna, auzotarrek eta Emakumeen Etxeko sustatzaileek, udaleko ordezkariekin batera, bilera batean. Udalaren Parekidetasun saila han kokatuko da udaberritik aurrera, aurreikuspenen arabera, eta han eskainiko dira sail horretako zerbitzuak eta ikastaroak ere.

Jose Luis Zumeta eta Eduardo Chillida bat eginda, bisita gidatu berezi batean

2024·02·14

Jose Luis Zumeta eta Eduardo Chillida bat eginda, bisita gidatu berezi batean

Gaur taldearen sorreran egin zuten bat Zumetak eta Chillidak, eta orain berriz elkartu dituzte, bisita gidatu berezian. Bi egunetan eskainiko dute Usurbil Museo Irekia – Chillida Leku bisita: otsailaren 25ean eta martxoaren 23an.

Berritze prozesuan baztertzekoak diren altzariak emango dizkio Urbil merkatalguneak udalari

2024·02·08

Berritze prozesuan baztertzekoak diren altzariak emango dizkio Urbil merkatalguneak udalari

Urbil merkatalgunea berritzen ari dira, eta, besteak beste, ostalaritzako aulkiak eta mahaiak ere ordezkatu egingo dituzte: orain arte erabilitakoak egoera onean daudenez, udalari eskaini dizkiote, behar duenerako erabil ditzan.