USURBIL
udala

2024·10·01

Datorren astean brigadako lan anitzetarako operario gisa lan egiteko enplegu eta formazio programaren deialdia abiatuko da

Beterri-Buruntzako enplegu planaren barruan, udal brigadetan operario gisa lan egiteko formazioa jaso eta lanaldi osoko lanpostuak eskainiko dira, bost hilabeterako: Usurbilen kasuan, bi lanpostu izango dira. Lanbidek kudeatuko ditu eskaerak: urriaren 7an irekiko da izena emateko epea.

2024·09·30

Usurbil 1936 elkarteak ‘Gerraren memoria ibilbidea’ osatu du, 36ko gerran gertatutakoen oinarrizko ezagutza denen eskura jartzeko

Larunbatean, urriaren 5ean, eskainiko da lehenengo aldiz, elkarteko kideen eskutik. Partaide kopurua mugatua denez, izena eman behar da aldez aurretik, 650 Usurbil Biziren webgunean. Ibilbidean zehar jarritako totemei esker, nork bere kasa egin dezake ibilbidea, eta, horrez gain, 650 Usurbil Bizirekin elkarlanean, bisita gidatu gisa eskainiko da.

2024·09·27

Haur eskolako eta Elkarguneko proiektuei aurre egiteko mailegu bat eskatuko du udalak

Udal-gobernuak 2,7 milioi euroko kreditu aldaketa bat egitea proposatu dio udalbatzarrari, mailegu bat eskatu eta bere Legealdiko Planean jasotako bi herri proiektu oso garrantzitsuri aurre egiteko: udal-gobernuaren aldeko botoekin onartu da. Dekretuz onartu diren beste bi kreditu aldaketaren berri ere eman dute iraileko osoko bilkuran, 338.460 euro biak batuta. Guztiak kontuan hartuta, udalak bere historian izandako aurrekonturik handiena izaten amaituko du 2024a, 19.295.800,58 eurokoa.

2024·09·25

Ikastaroak, zerbitzuak, kultur ekitaldiak eta Zaintza ekimenen zikloa egingo dituzte Emakumeon Etxean, urtarrilera bitartean

Gaur banatuko dute, etxez etxe, Emakumeon Etxeko urritik urtarrilera bitarteko egitaraua. Zaintza ekimenen zikloaren bidez, besteak beste, zaintza lanen garrantzia eta ikusezintasuna, migrazioa, hezkuntza eta amatasunaren gaiak mahai gaineratuko dira.

2024·09·23

Datozen asteetan zuhaitzak moztu eta aterako dituzte Andatzatik

Gaur bertan hasiko dira lanean. Ustiaketa egingo den lursailak 18 hektarea inguru ditu, eta 4.047 m3 egur ustiatuko dira. Udalak baldintza gisa jarri du, besteak beste, Aginagako tuneleko obrak hasi arte izango dutela basoa ustiatzeko baimena.

2024·09·23

Udalak asfaltatze kanpainari ekingo dio, aste honetan

Hainbat gunetan izaera desberdineko asfaltatze lanak egingo dituzte. Ibilgailuen trafikoari gehien eragingo diona Santuenekoa izango da: atarien arteko hartxintxarrezko aparkaleku guztiak asfaltatuko dira. Gainerakoan, hiru zebra bide altxatu eta hainbat petatxu jarriko dira.

2024·09·19

Arburu-Tellendegi landa bidea asfaltatzeko lanak hasiko dira, bihar

Campezo enpresari esleitu zaizkio herri bidea konpontzeko lanak. 35.100 euro inguruko kostua dute, eta erdia baino gehixeago aldundiak emandako dirulaguntza batekin finantzatuko da: 19.355 euro. Bi egun beharko dituzte lanak amaitzeko, eta lanean ari diren bitartean, erabat itxita egongo da trafikoarentzat.

2024·09·19

Emakumeon Topaketa, urriaren 5ean

“Elkar ezagutu eta sareak josteko” baliatuko dute hitzordua. Horrez gain, Emakumeon Etxearen webgunea aurkeztuko dute. Datorren astean banatuko dute, etxez etxe, Emakumeon Etxearen urtarrilera bitarteko programazioa.

2024·09·13

“Usurbil, goazen kalera” ibilaldiaren ikasturte berriko lehenengo saioa, irailaren 17an

Irailetik abendura arteko ibilbideen egutegia aurkeztu da: Usurbilgo kaxkoan, Aginagan, Santuenean eta Zubietan egingo dituzte, txandaka. Astearteetan izango dira, 10:30etik 12:00etara bitartean, eta parte hartzaile guztientzako hamaiketakoa jarriko dute saio bakoitzaren amaieran.

2024·09·12

Jabetza Eskolak zoru pelbikoa eta biodantza ikastaroak antolatu ditu

Irailaren 16tik 27ra bitartean izango da izen-ematea, Emakumeon Etxean, 943 37 71 12 telefonora deituta edo mezu elektroniko bat bidalita. Ikastaroak urrian hasiko dira.

2024·09·11

Euskara ikasteko aukera ugari, urritik aurrera: izen-emateak, zabalik

Etumeta euskaltegiaren eskaintzaz gain, euskara ikasteko hiru ikastaro eskaintzen ditu udalak, euskaltegiarekin elkarlanean: izen-ematea irekita dago denetan.

2024·09·10

Emakumeon Etxeko talde sustatzailearen bilera, irailaren 12an

Orain arteko ibilbidearen balorazioa egin eta aurrera begirako urratsez hitz egingo dute etzi, besteak beste, urrirako prestatzen ari diren Emakumeon Topaketaz. Interesa duen oro gonbidatu dute parte hartzera.

2024·09·09

Aniztasun Kontseiluaren bilera, irailaren 19an

Azken hilabeteetan egindako lanak baloratu eta hurrengo urratsak izango dituzte hizpide Aniztasun Kontseiluan. Jatorri aniztasunean eta elkarbizitzan sakontzeko interesa duen oro gonbidatu dute bertan parte hartzera.

2024·09·09

Esperientzia Eskolan eta Oroimen tailerrean izena emateko epea, gaurtik irailaren 25era bitartean

Gizarte zerbitzuek antolatutako bi ikastarook urritik ekainera bitartean izaten dira, doan: oroimen tailerra erretiroa hartua duten herritarrentzat izaten da, eta Esperientzia Eskola 55 urtetik gorakoentzat.

2024·09·06

Euskara errefortzu klaseetan izena emateko epea, irailaren 9tik 20ra

Behar baino euskara maila apalagoa duten 6 eta 16 urte bitarteko haur eta nerabeentzako doako saioak dira, eskolaz kanpo euskara barneratu eta sendotzeko modua izan dezaten. Urrian hasiko dira saioak. Ttakun Kultur Elkarteari esleitu zaio zerbitzua.

2024·09·06

Zubiaren obrek Txokoalderen egunerokoan ahalik eta eragin txikiena izateko aukerak aztertuko dituzte udalak eta auzotarrek

Udalak auzotarren mugikortasun beharrak ezagutzeko galdetegia banatuko du datorren astean, eta gaiaren inguruan hitz egiteko bilera egingo dute, irailaren 10ean, 19:30ean.

2024·09·05

Izena emateko aukera irekiko da, berriz, operario laguntzaile (elektrikari laguntzailea) lan poltsarako

Abuztuaren 5ean argitaratutako oinarrietan zenbait akats antzeman dira: horiek zuzenduta, izena emateko bigarren aukera egongo da, bihartik hasi eta irailaren 19ra bitartean. Lehenengoan izena eman zutenek ez dute berriz egin beharko.

2024·09·02

Abuztuan argitaratu diren dirulaguntza ebazpenak: euskara, aisialdia eta alokairua

Abuztuaren 12an, hiru dirulaguntza lerroren ebazpenak argitaratu ziren, eta, alegazio epeak pasata, finkoak dira dagoeneko.

2024·08·30

Irailaren 2tik 16ra bitartean izango da 2024-2025 ikasturteko kirol-ikastaroetan izena emateko epea

Izen-ematea Internet bidez egin behar da, galdetegi bat beteta. Ohi bezala, adin guztietarako ikastaroak eskainiko ditu kiroldegiak, aretokoak zein uretakoak.

2024·08·29

Haur eskolako aldapa behin-behinean itxiko da bihar eguerdian, asfaltatzeko

Eguerdiko 14:30etik aurrera, haur eskolako aldapa erabat itxita izango da, bizpahiru orduz: lanak egin bitartean ezingo da bertatik pasatu, ez ibilgailuz ezta oinez ere. Txirikorda ondotik irten ahal izango da Ugartondotik, baina bertara sartzeko Troiako aldapatik edo Belmonte kaletik joan beharko da.