2026·05·06

‘Euskararen eta artearen Usurbil. Rikardo Arregiren oihartzuna, 60 urte geroago’

Juan Jose Alkain Udarregi bertsolariari 1966ko maiatzean egindako omenaldiaren 60. urteurrena ekarriko du gogora 650 Usurbil Bizi proiektuak. Euskararen eta artearen Usurbil ildoetan sakonduko da, maiatzaren 15ean eta 22an.

2026·04·27

Tren geltokiko zubi berria irekiko dute asteazkenean

Tren geltoki berriko zubia, kaleko igogailuak eta eskailerak amaitu ditu ETSk: apirilaren 29tik aurrera erabili ahal izango dira, goizeko lehenengo ordutik. Geltokia bere horretan ez dago prest oraindik, eta geltoki zaharraren ondotik izango da nasetarako sarbidea. Apirilaren 29tik 30erako gauean desmuntatuko dute behin-behineko zubia.

2026·04·24

Gaikako bilketa %85ekoa izan zen 2025an

Hondakinen bilketaren datu guztiak jasotzen dituen txostena eta emaitzak argitaratu ditu udalak, webgunean. Hondakinen sorreran gora egin da azken urtean: herritar bakoitzak 506kg sortu zituen. Europako Zero Zabor Ziurtagiriaren berrikuspenean lau izar jaso ditu Usurbilek.

2026·04·23

Udal-langileen erabilerarako auto berria du udalak

Udalaren auto berria erabat elektrikoa da, eta udal-langileen laneko joan-etorrietarako izango da. Auto partekatuarentzat prestatu zen aparkaleku berean du hornidura zutoina, Kale Nagusian, eta leku hori, beraz, udalaren autoarentzat gordeko da.

2026·04·22

Astigarragaren, Hernaniren eta Usurbilen hondakinen kudeaketa onean egindako ahalegina berretsi du Europako Zero Zabor Ziurtagiriak

2023an eskuratutako ziurtagiriaren berrikuspenean, emaitzak hobetu dituzte Astigarragak eta Hernanik, eta mailari eutsi dio Usurbilek, lau izarrekin. Zero hondakinerako trantsizioa bizkortzea eta ekonomia zirkularra Europako herri eta hirietan ezartzea du helburu Zero Waste Europe erakundeak sortu eta MiZA Mission Zero Academy erakundeak martxan jarritako ziurtagiriak.

2026·04·20

Bake epaile ordezkoa hautatzeko deialdia, martxan

Interesdunek izena emateko hilabeteko epea izango dute, bihartik hasita, maiatzaren 21era arte.

2026·04·20

Bihar irekiko da Santixabeletako egitarau lehiaketa eta txupinazoa nork bota erabakitzeko epea

Deialdietan parte hartzeko azken eguna maiatzaren 19a izango da.

2026·04·20

Ezohiko erregularizazioaren inguruko informazio saioa, apirilaren 27an

SOS Arrazakeriako Mikel Mazkiaranek Espainiako Gobernuak migratzaileentzat onartutako ezohiko erregularizazioaren inguruko argibideak eskainiko ditu.

2026·04·13

Udajolasen eta kiroldegiko ikastaroetan izena emateko epea, apirilaren 16tik 27ra

Kiroldegiko ikastaroak uztailaren 1etik 30era bitartean izango dira; Udajolas, berriz, uztailaren 6tik 30era. Udako eskaintzaren eskuorria datozen egunetan jarriko da eskuragarri ekipamendu publikoetan: galdetegi bat beteta eman behar da izena.

2026·04·09

Gobernantza eredu partekatuan sakontzeko urratsak egiten ari dira udala eta herriko eragileak

Udaleko ordezkari politiko eta teknikariekin zein eragileekin izandako elkarrizketak oinarri hartuta diseinatu da gobernantza eredu berria: martxoaren 23an aurkeztu zuten. Lanean jarraitzeko bigarren saio bat egingo da, apirilaren 27an.

2026·04·08

2025eko aurrekontuen likidazioak emaitza positiboa izan du

Udaleko kontu hartzaileak 2025eko likidazioaren berri eman du martxoko osoko bilkuran: behin betiko aurrekontua 21.735.439,50 eurokoa izan zen, eta aurrekontuen emaitza, 1.660.010,73 eurokoa.

2026·04·08

Udalaren Atsobakarreko partzela desafektatzea onartu dute, aho batez

Lasarte-Oriako eta Usurbilgo udalek hitzarmena egina dute, Usurbilgo HAPOa indarrean sartzen denean partzela horren salerosketa gauzatzeko. Partzelaren kalifikazio juridikoa aldatzea hitzarmenean jasotako konpromisoetako bat da.

2026·03·31

Urkamendiko bidea konpontzeko lanak egingo dira, apirilaren 7tik 9ra

Urkamendi eta Iarbe arteko bidea itxita egongo da lanek iraungo duten hiru egunetan. Ibilgailu astunentzako itxita izango da gero, hiru astez.

2026·03·30

Apirilaren 20tik maiatzaren 8ra izango da haur eskolan matrikulatzeko epea

Usurbil Haurreskolak Partzuergoan integratzeko prozesuak iraun bitartean, udalari dagokio izen-emateak kudeatzea. Apirilaren 21ean ate irekien jardunaldia egingo da, 17:30ean.

2026·03·27

Aste Santuen ostean hasiko dira kiroldegiko obrak

Igez Eraikuntzak SL enpresari esleitu zaizkio kiroldegiko suteak eragindako eremua eraberritzeko obrak, 641.400 euro inguruan. Aurreikuspenen arabera, Aste Santuen ostean hasi eta ia 5 hilabete beharko dituzte lanak amaitzeko.

2026·03·26

Errenta aitorpena euskaraz egiteko kanpaina abiatu dute udalak eta UEMAk

Apirilaren 7an hasiko da, Gipuzkoan, errenta aitortzeko garaia: beste urte batez, administrazioarekin dituzten harremanak euskaraz izatera deitu dituzte herritarrak.

2026·03·23

“Komunitatetik, heriotzaz” zikloa antolatu du udalak, heriotzaren inguruko tabua arindu eta herritarrak ahalduntzea xede

Heriotza ardatz hartuta, gaiaren inguruko ikuspegi desberdinak lantzea da zikloaren helburua: zenbait herritarrek eta udalarekin elkarlanean ari diren zenbait taldek parte hartuko dute. Apiriletik azarora bitartean, zazpi saio izango dira.

2026·03·18

Udalak eta Iñurri elkarteak lankidetza hitzarmena sinatu dute, urtebeterako

Iaztik, Usurbilen du egoitza Iñurrik: udalak herri interesekotzat du minbizia modu zuzenean edo zeharkakoan jasan duten pertsonei laguntzeko egiten duen lana. Hitzarmena urtebeterako izango da, urtez urte luzatzeko aukerarekin, eta udalak dirulaguntza emango dio elkarteari.

2026·03·16

Haur eskola zerbitzu berriaren aurkezpena, martxoaren 24an

Usurbil Haurreskolak Partzuergoan integratzeko eskaera onartu zen otsaileko osoko bilkuran: 2026-2027 ikasturtetik aurrerako zerbitzua aurkeztuko dute martxoaren 24an, Sutegin, 18:00etan.

2026·03·13

Udal-langileek greba orokorraren deialdiarekin bat eginda, udal-zerbitzuak itxita egongo dira asteartean

Udal-gobernuak ere bat egin du martxoaren 17ko deialdiarekin. Garbitaniako langileek ere grebarekin bat eginda, ez da hondakin bilketarik izango asteartean.