Albisteak
Atzealdea

Zabalik da Kirol arloan norgehiagoka erregimenekoak ez diren dirulaguntzak eskatzeko epea

Eskola Kiroleko kuotak ordaintzeko, prestakuntza teknikorako zein oinarrizko osasun miaketetarako zein kirol ekimen bereziak antolatzeko eska daiteke, urriaren 30era bitartean.

2021·09·10


Zabalik dago kirol arloan norgehiagoka erregimenekoak ez diren dirulaguntza eskatzeko bigarren epea, zehazki, irailaren 1etik urriaren 30era artean. Dirulaguntza hori hiru helburutarako eska daiteke: Eskola Kiroleko kuotak ordaintzeko, prestakuntza teknikorako zein oinarrizko osasun miaketetarako zein kirol ekimen bereziak antolatzeko. Ohi bezala, dirulaguntza eskatzeko hiru modu daude: udaletxean bertan, posta arruntez zein Internetez, zerbitzu digitalen webgunean.

* Ekintza bereziak: Usurbilen kirol ekimenak egiten dituzten pertsona juridiko zein fisikoek eta erakunde publikoek zein pribatuek eskatu ahal izango dute.

* Prestakuntza tekniko eta oinarrizko osasun miaketak: Usurbilgo kirol elkarteek eska dezakete (elkarteen udal-erregistroan izena emanda egon behar dute).

* Eskola Kiroleko kuotak: Usurbilen erroldatutako herritarrek eskatu ahal izango dute.