2021·09·21
Hainbat udal-dirulaguntzaren ebazpen proposamenak argitaratu ditu udalak, gaur, GAO Gipuzkoako Aldizkari Ofizialean, irailaren 7an egin zen Tokiko Gobernu Batzarrean hala erabaki ostean. 11 dirulaguntza lerroren ebazpenak argitaratu ditu guztira.
Hona GAOn argitaratu diren ebazpenak, lerroz lerro:
- Gizarte Zerbitzuetako egitasmoak burutzeko dirulaguntza.
- Deserrotze eta baztertze sozialeko arriskuan dauden pertsonen senideei erantzuteko dirulaguntza.
- Igogailuak instalatzeko dirulaguntza.
- Desgaitasuna edo mendekotasuna duten adin txikikoen osasun egoera hobetzeko tratamenduetarako dirulaguntza.
- Usurbilen etxebizitzak alokairuan hartzeko dirulaguntza.
- Ingurumeneko egitasmoak burutzeko dirulaguntza.
- Kirol egitasmoak burutzeko kirol taldeentzako dirulaguntza.
- Kirol egokituko jardueretarako dirulaguntza.
- Kirol talde ez direnek antolatutako kirol egitasmoetarako dirulaguntza.
- Kultur egitasmoak burutzeko dirulaguntza.
- Nekazaritza eta abeltzaintzako egitasmoak burutzeko dirulaguntza.
Bi laguntza lerro berri
Gaur argitaratu diren dirulaguntzen artean bi berriak dira. Hain zuzen ere, 2021eko otsaileko osoko bilkuran Dirulaguntzen Plan Estrategikoa eguneratzea erabaki zuten, aho batez, lerro berriok sortu ahal izateko, Covid19aren osteko krisi sozial, ekonomiko eta ekologikoari aurre egiteko asmoz. Laguntza berrietako bat Usurbilen etxebizitzak alokairuan hartzeko sortutakoa da. Merkatu libreko etxebizitzen alokairurako dirulaguntza lerroa da, udal-gobernuaren ekimenez sortua, etxebizitzen alokairu prezio altuengatik eta lan-baldintza prekarioengatik etxebizitza alokatu edo erosteko zailtasunei aurrei egiteko. Aurten lehenengoz sortu den beste lerroa desgaitasuna edo mendekotasuna duten adin txikikoen osasun egoera hobetzeko tratamenduetarako lerroa, PSE-EEko zinegotziak 2021eko aurrekontuei egin ekarpenaren ostean.