USURBIL
udala

Azken egunotan zenbait udal dirulaguntza lerroren ebazpenak argitaratu dira: igogailuak instalatzeko dirulaguntzena, Hasiz Hazirena eta Usurbil Zabalik-ena. Jendaurreko epean dira hirurak: alegaziorik ez bada, erabakiak finkoak izango dira.

Igogailuak instalatzeko dirulaguntzak

Ebazpen proposamena atzo argitaratu zen GAOn, abenduaren 3an.

• Urriko osoko bilkuran igogailuak instalatzeko dirulaguntzen lerrora beste 10.000 euro bideratzea erabaki zela jakinarazi zen, lehendik gordetako 10.000 euroei gehitu zaizkienak, aurtengo deialdian izandako eskaera kopurua aintzat hartuta.
• Guztira, 40 eskaera izan dira. Horietatik 33 onartu dira, eta 7, baztertu.
• Honakoak izan dira baztertzeko arrazoiak: igogailua jarri den eraikinean erroldatuta ez egotea (4 eskaera), diru-sarrerak eta etxebizitzan bizi diren kideak aintzat hartuta, ez egokitzea dirulaguntzarik (2 eskaera), eta eskaera epez kanpo egin izana (eskaera 1).
• Alegazioak aurkezteko epea: abenduaren 18ra bitartean, hori barne.
• Ebazpena, PDFn: hemen.

Hasiz Hazi

Ebazpen proposamena azaroaren 29an argitaratu zen GAOn.

• Irailaren 30era bitartean, eskaera bat izan zen, eta onartua izan da.
• Alegazioak aurkezteko epea: abenduaren 16ra bitartean, hori barne.
• Ebazpena, PDFn: hemen.

Usurbil Zabalik

Ebazpen proposamena azaroaren 29an argitaratu zen GAOn.

• 1go dirulaguntza lerroa: enpresa ekimenak abiarazteko hasierako gastuei aurre egiteko dirulaguntza.
  • Eskaera bat izan zen, eta onartua izan da.
• 2n dirulaguntza lerroa: lokalen alokairurako lehenengo eta bigarren urterako dirulaguntza.
  • Eskatzaile horri dagokion zenbatekoa onartu da.
  • Iaz Usurbil Zabalik dirulaguntza onartua izan zitzaien hiru eskatzaileren bigarren urteko alokairu gastuak ere onartu dira.
• Alegazioak aurkezteko epea: abenduaren 16ra bitartean, hori barne.
• Ebazpena, PDFn: hemen.