Espainiako Gobernuak lehengo astean migratzaileentzat onartutako ezohiko erregularizazioaren inguruko argibideak emango ditu SOS Arrazakeriak, apirilaren 27an: saioa 18:00etan izango da, Potxoenean.

Usurbilek atzerritartasun gaiak jorratzeko aholkularitza zerbitzua du SOS Arrazakeriarekin: zerbitzua eskaintzen duen Mikel Mazkiaran izango da saio informatiboa gidatuko duena. Informazioa emateko saioa antolatu da, hain zuzen ere, ezohiko erregularizazioaren inguruko zalantza ugariak tarteko.