Erakusketa: 'Hotsez hots 2.0'
Txalapartaren garapenaren inguruan sortutako erakusketa da. “Ttakun ttakun herrena. Ttan ttukuttun ‘Hotsez hots’-en 10. urteurrena. Ttan ttakattan hamarkada baten ondoren datorrena. Ttan tturrukuttun ‘Hotsez hots 2.0’ du bere izena”. Hala aurkeztu du artistak bere lana. Aurretik egindako ‘Hotsez hots’ erakusketaren jarraipena edo moldaketa da, margolanez eta eskulturez osatutakoa. Material ezberdinak erabili ditu lanetarako, tartean, egurra, aluminioa, zinka edota sarea, eta koloreek presentzia handia dute.
Euskal tradizioko hamaika zur-lanketa egindakoa da Pelex, artistak katalogoan azaldu duenez, “beti ere forma, estilo eta material berrien bilatze eta esperimentazioarekin uztartuz”. Eskultura-ikastaroa egin zuen 1998an Parisen, eta arte-buztinaren modelatuari buruzko ikastaroa Antonio Oteizarekin, 2006an. 201ean, UNESCOren artista profesionaleko agiria jaso zuen. Gaur egun Legution bizi da. 90. hamarkada amaieratik, hainbat erakusketa egin ditu, taldean zein bakarka.
Irekiera ekitaldia: ekainaren 2an, 19:00etan
Non: Sutegiko erakustaretoan
Ordutegia:
Astelehenetik ostiralera: 18:00-20:00
Larunbatetan: 12:00-14:00 eta 18:00-20:00