Aurtengo Lilatoian ere Usurbilgo Emakumeon Etxearen taldean parte hartzeko proposamena egin du Emakumeon Etxeko talde sustatzaileak: iaz osatu zen lehenengo aldiz, eta 83 emakumek parte hartu zuten. Talde horretan parte hartzeko argibideak eman ditu Emakumeon Etxeak.

Oraindik izena ematen ez dutenek

• Rock The Sport webgunean sartu behar da, 36. Lilatoiaren orrialdean.
• Izena ematerakoan, “Grupos: pago individual” aukeratu, eta “Nuevo componente de equipo” aukeran klik egin behar da.
• Usurbilgo Emakumeon Etxeko kodea sartu: Usurbilee26
• Datuak bete, eta ordainketa egin.

Jada izena eman dutenek

Lasterketaren antolatzaileei (lilatonlilaton@gmail.com) mezu elektroniko bat bidali beharko diote Usurbilgo Emakumeon Etxearen taldean parte hartu nahi dutela esanez.

Izena emateko epea otsailaren 17an amaituko da. Aurtengo izen-ematea bizi-bizi doala ohartarazi dute Lilatoiaren antolatzaileek: hori dela eta, parte hartu nahi dutenek ahalik eta azkarren eman dezatela nabarmendu du Emakumeon Etxeko talde sustatzaileak.

Elkarrekin entrenatzeko aukera izango da aurten ere: aurrerago emango dituzte xehetasun gehiago, besteak beste, Usurbilgo Emakumeon Etxeko Whatsapp kanalaren bidez.

Informazio gehiago: 943 37 71 12 / emakumeonetxea@usurbil.eus