Albisteak
Atzealdea

Astelehenetik aurrera, aldaketak Kalezarko trafikoan

Haurreskolaren sarreratik Pikaolara arteko tartea urbanizatzeko lanak direla eta, hiru astez itxita izango da, urtarrilaren 18tik otsailaren 5era arte. Era berean, Kalezartik Txaparren-Berri baserrira arteko bidea ere itxita izango da bi astez, horma bota behar baitute.

2021·01·13


Urtarrilaren 18tik aurrera, aldi baterako aldaketak izango dira Kalezarko trafikoan: batetik, haurreskolaren sarreratik Pikaolara arteko zatian, eta, bestetik, Kalezartik Txaparren-Berri baserrira jaisteko bidean. Lehenengoa gehienez hiru astetan amaitzea aurreikusi dute, eta, bigarrena, bi astetan.

Behin-behineko semaforoek bideratzen dute, egun, kaxkoa eta Kalezar lotzen dituen aldapako trafikoa. Hiru asteotan ez da semafororik izango, aldapa horren noranzkoa bakarra izango baita: behetik gorakoa. Aldapan gora orain itxita dagoen zatiaren bidez egin ahal izango dute autoek, haurreskola ondotik, eta ermitaren parean ezker zein eskuin joan ahal izango dute. Usurbilera jaisteko, berriz, Kalezarko kaxkoa zeharkatu beharko dute ibilgailuek. Trafikoari itxita egongo den arren, Pikaolaren ondoko aldapan dauden aparkalekuak erabiltzeko aukera izango da.

Astelehenean itxiko da, baita ere, Kalezartik Txaparren-Berri baserrira jaisteko bidea. Horko horma bota behar dute, eta lanak bi astetan amaitzea aurreikusi dute.