2023·04·27
Udajolas udaleku irekian izena emateko epea asteartean, maiatzaren 2an, irekiko da, eta maiatzaren 10era arte izango da horretarako aukera. Azken urteetan bezala, izen-ematea Internet bidez egin beharko da. Ohi bezala, guraso-bilera noiz egingo den ere jakinarazi dute: ekainaren 20an izango da, Sutegiko auditoriumean, 17:00etan.
Udajolasek aisialdia giro alai eta dibertigarrian euskaraz igarotzeko abagunea ematen die Usurbilen erroldatutako 4-12 urte bitarteko haur eta gaztetxoei: aurten, uztailaren 4tik 28ra izango da. Ohiko ordutegia, astelehenetik ostiralera, 09:30etik 13:30era izaten da, eta ostegunetan irteerak egin ohi dituzte, 16:30 arte.
Kuota arrunta 87,57 eurokoa da; familia ugarien kasuan, 71,09 eurokoa. Udajolas udal zerbitzua den heinean, hobariak eskatu eta aplikatzeko aukera dago:
|
Onartutako hobaria |
Kuota arrunta hobariarekin |
Familia ugarien kuota hobariarekin |
|
%50 |
43,80€ |
35,50€ |
|
%75 |
21,90€ |
17,80€ |
|
%90 |
8,80€ |
7,10€ |
Udajolas ordaintzeko transferentzia egiterakoan, garrantzitsua da Udajolas eta haurraren izen-abizenak adieraztea. Laboral Kutxako kontu honetara egin behar da:
ES28 3035 0140 34 1400025811
Horrez gain, zenbait agiri bidali behar dira elkartea@noaua.eus helbidera:
- Ordainketa agiria.
- Gizarte segurantzako txartelaren kopia.
- Familia ugarien kasuan: familia ugarien txartela edo familia liburuaren kopia.
- Hobarien kasuan, udalak aurrez emandako ziurtagiria.
Informazio gehiago: elkartea@noaua.eus edo 688 807 336.
Izena emateko lotura: https://labur.eus/SeaW8