Aurten ere, Andatzako lan arkeologikoekin jarraituko du Aranzadik, eta horietan parte hartzeko aukera eman dute: abuztuan eta irailean izango dira.
2021·06·22
Azken urteetako lanei eutsiz, Valladolideko Unibertsitateko eta Aranzadi zientzia elkarteko ikerlariek Andatzako lan arkeologikoekin jarraituko dute. Aurten, bi gune ikertzen arituko dira. Batetik, abuztuko egun batzuetan Andatza III-ko monumentu megalitikoan lan egingo dute. Bestetik, Irigain inguruan 2005. urtean topatutako erromatar garaiko aztarnategian sakonduko dute, irailean.
Aurreko urteetan bezala, laguntzeko aukera eman diete herritarrei. Horretarako, mezu elektroniko bat bidaltzeko eskatu dute, izaro.quevedo@uva.es helbidera.