Urriaren 14an bilera egingo dute DBH1eko nerabeen gurasoekin, zerbitzuaren berri emateko.
2021·10·07
Gaztelekua ikasturte berriari ekiteko prest dago: abiatua dute, dagoeneko, ikasturte berria 12-16 urte bitarteko nerabeentzako udal aisialdi zerbitzuan. Urtero, ikasturtea estreinatzearekin batera, DBH1ko nerabeen gurasoekin, hau da, lehenengo aldiz Gaztelekura joango diren gazteen gurasoekin bilera egin ohi dute, zerbitzuaren berri emateko: hilaren 14an izango da hori, 18:00etan. Bilerara joateko asmoa dutenei aurrez izena emateko eskatu dute: kultura@usurbil.eus helbidera idatzita edo 943 37 19 99 telefonora deituta.
Aurten, honako ordutegia izango du Gaztelekuak:
Astelehena:
16:30 / 18:00. DBH3.
18:00 / 19:30. DBH4.
Osteguna:
16:30 / 19:30. DBH2.
Larunbata:
16:00 / 19:00. DBH1.