Kultur Elkarteak 650 Usurbil Bizi turismo proiektuaren bidez eskaintzen diren bisita gidatuak egiteko gidarien lan-poltsa osatu nahi du: urtarrilaren 29ra arte egongo da curriculumak bidaltzeko aukera.
23·01·2024
Noaua Kultur Elkartea 650 Usurbil Bizi turismo proiektuaren bidez eskaintzen diren bisita gidatuak egiteko gidarien lan-poltsa osatzen ari da: interesa dutenek urtarrilaren 29ra arte izango dute curriculuma bidaltzeko aukera, noaua@elkartea.eus helbidera. Elkarteak ordukako kontratua eskaintzen du: bisitak urte guztian egiten dira, eta asteburuetan lan egiteko prestasuna eskatzen dute.
Gidariek honakoak bete beharko dituzte:
- Komunikaziorako gaitasuna izatea: turismo, kultura, komunikazio edo jarduera soziokulturalekiko interesa edo esperientzia kontuan hartuko da.
- EGA edo baliokidea izatea eta gazteleraz aritzeko arazorik ez izatea.
- Atzerriko hizkuntzen ezagutza: ingelesa edo/eta frantsesaren ezagutza beharko da.
Eta beste alderdiok ere baloratuko dira:
- Harremanetarako eta komunikaziorako gaitasuna.
- Ekintzailea izatea eta proiektuak sortzeko gaitasuna izatea.
- Kanpoko hizkuntzak jakitea.
- Herrigintzan esperientzia izatea.
- Turismo alorrean esperientzia izatea.
- Webguneen eta sare sozialen kudeaketan ezagutza izatea.
- Gidabaimena eta autoa izatea.