Herritar batek lehengo astean jasandako sexu erasoa salatu du udalak. Ibilgailu gidaridun gidari batek sexu erasoa egin eta hura legez kanpo atxikitzen saiatu zen, asteazken gauean: emakumeak ihes egitea lortu zuen, eta salaketa jarri zuen Hernaniko (Gipuzkoa) polizia etxean.

Ertzaintzak udalari jakinarazi zionez, ostiral gauean atxilotu zuten erasotzailea, eta larunbatean pasatu zen epailearen aurretik: aske utzi zuten, hamabostean behin sinatzeko baldintzapean. Halaber, udala harremanetan dago biktimarekin ere: babesa adierazi, eta laguntza eta zerbitzuak eskaini dizkio, besteak beste.

Udalak salatu duenez, oinarrizko eskubide eta askatasunen aurkako erasoa izan da: “Halako erasoek ez dute lekurik gure herrian: zoritxarrez, gertatzen jarraitzen dute, eta lanean jarraituko dugu, indarkeria matxistaren aurkako prebentzioan zein biktimen artan eta erreparazioan”.