12·06·2025
Euskara eta aisialdiko dirulaguntzak eskatzeko epea irekiko da ekainaren 23an. Bi deialdiak ikasketak azken ikasturtean egin dituztenentzat zuzenduak dira: euskara ikasi dutenentzat batetik, eta aisialdiko begirale edo zuzendari ikastaroa egin dutenentzat, bestetik. Biak ere ekainaren 23tik uztailaren 4ra bitartean eskatu ahal izango dira (biak barne).
Gaur argitaratu dira bi deialdien oinarriak GAO Gipuzkoako Aldizkari Ofizialean:
2024/2025 ikasturtean euskara ikasi dutenentzat
Epea: ekainaren 23tik uztailaren 4ra arte (biak barne).
Udaletxeko harreran edo egoitza elektronikoaren bitartez eska daitezke.
Diruz lagunduko diren ikastaroak: HABEk homologatutako zein homologatu gabeko ikastaroak (azken hauen kasuan, ikasturtean zehar urratsen bat gainditzen bada), 2024ko irailaren 1etik 2025eko abuztuaren 31ra bitartean egindakoak.
Emango den dirulaguntza: matrikula kostuaren %100 jasoko dute (600 euroko mugarekin), baldintzak betetzen badituzte. Denen artean, gehienez ere, 24.000 euro banatuko dira.
Deialdiaren oinarriak, hemen.
2023/2024 ikasturtean aisialdiko begirale edo zuzendari ikastaroak egin dituztenentzat
Epea: ekainaren 23tik uztailaren 4ra arte (biak barne).
Udaletxeko harreran edo egoitza elektronikoaren bitartez eska daitezke.
Diruz lagunduko diren ikastaroak: Aisialdiko Begirale ikastaroa edo Aisialdiko Zuzendari ikastaroa, 2024ko uztailetik 2025eko ekaina bitartean egindakoak.
Emango den dirulaguntza:
- Begirale ikastaroa: matrikularen %50 (gehienez ere, 250 euro).
- Zuzendari ikastaroa: matrikularen %50 (gehienez ere, 250 euro).
Denen artean, gehienez ere, 4.500 euro banatuko dira.
Deialdiaren oinarriak, hemen.
Bi dirulaguntzen kasuan, ehuneko horiek gutxitu egin daitezke aurkezten diren eskarien arabera.
Behin betiko ebazpenak
Halaber, kultur sormena bultzatzeko eta kultur egitasmoak gauzatzeko lerroen behin betiko ebazpenak argitaratu dira, jendaurreko epean ez baita alegaziorik izan.
Kultur sormena bultzatzeko dirulaguntzaren behin betiko ebazpena: hemen.
Kultur egitasmoak gauzatzeko dirulaguntzaren behin betiko ebazpena: hemen.