Gaurtik hilaren 24ra arte eman daiteke izena, Gizarte Zerbitzuetara telefonoz deituta.
14·09·2021
Esperientzia Eskolan eta oroimena lantzeko tailerretan izena emateko epea martxan da, hilaren 24ra bitartean. Bata zein bestea doan dira, eta urriaren hasieran martxan jartzekoak dira. Izena emandako jende kopuruaren arabera zehaztuko dituzte taldeak eta ordutegiak. Gizarte Zerbitzuetan eman behar da izena, 943 37 71 10 telefonora deituta.
Esperientzia Eskolak
55 urtetik gorako pertsonentzat pentsatuta daude. Lan mundutik erretiroa hartu eta ikasteko grina duen orok eman dezake izena. Matia Institutuak eta Usurbilgo Udalak elkarlanean antolatua.
Adineko pertsonek oroimena lantzeko ikastaroa
Memoria landu nahi duten adineko pertsonei zuzenduta dago; Lahar elkargoak eta Usurbilgo Udalak elkarlanean antolatua.