10·09·2024
Emakumeon Etxeko talde sustatzailea bilera egingo du, ostegunean, irailaren 12an, orain arteko ibilbidea baloratu eta aurrera begirakoez hitz egiteko: 18:00etan izango da, Pelaioenean. Talde sustatzaileko kideak modu egonkorrean biltzen badira ere, nabarmendu dute interesa duen oro gonbidatua dagoela bertan parte hartzera.
Usurbilgo Emakumeon Etxea martxoan ireki zenetik, Parekidetasun saila eta horrek kudeatutako zerbitzuak, ikastaroak eta ekitaldiak ere bertan eskaintzen dira. Ordutik egindako ibilbidearen balorazioa egingo dute, eta aurrera begirako urratsez ere hitz egingo dute. Gainera, maiatzean bertan behera gelditu zen Emakumeon Topaketa urrian egin asmo dutela aurreratu dute: gutxi barru iragarriko dute eguna eta egitaraua.