Usurbilgo Udaleko Parekidetasun sailak autodefentsa feminista ikastaroa antolatu du, herriko emakume guztientzat: ekainaren 2an eta 3an izango da, Potxoenean. Sei orduko ikastaroa izango da, doan, baina beharrezkoa da maiatzaren 30a baino lehen izena ematea.

Ikastaroarekin hainbat helburu lortu nahi dituzte: emakumeek indarkeriarekiko dituzten bizipenak konpartitu eta biltzea; elkar entzutea eta beldur eta emozio desberdinei buruz lasai hitz egiteko tartea izatea; erasoak identifikatzen ikastea eta indarkeriaren definizioa taldean lantzea; autodefentsaz hausnartu eta erasoei aurre egiteko estrategiak lantzea; eta erantzun, alternatiba eta estrategia indibidualetan zein kolektiboetan sakontzea.

Autodefentsa feminista ikastaroa

Ekainaren 2an, 17:00etatik 20:00etara.

Ekainaren 3an 10:00etatik 13:00etara.

Lekua: Potxoenean.

Izen-ematea: maiatzaren 30a baino lehen.

parekidetasuna1@usurbil.eus / 943 37 71 10