Elurrak hainbat arazo eragin ditu herriko hainbat errepidetan, eta, ondorioz, bi bide zati itxi egin behar izan ditu Udaltzaingoak. Kaparotz eta Zumitza arteko bidean, esaterako, lur-jausiak izan dira, eta gehiago ere izan daitezkeela-eta, astelehenera arte itxita egongo da zati hori, badaezpada ere. Bestetik, hilerri berritik Arratzain arteko bidea ere itxi egin behar izan dute, arriskuagatik. Bien bitartean, elurrak mendi gainak zuritu dituela-eta, mendiko bideetan ez ibiltzeko aholkua eman dute udaltzainek.