Noticias
Atrás

2022 urterako Usurbilgo herri barruko taxien tarifa berriak onartu dituzte

Buruntzaldeko Taxiaren Eskualdeko Batzordeak prezioak %2,9 igotzea onartu zuen, KPIaren igoera aurreikuspenari lotuta Gipuzkoako taxilarien bi elkarteek eskatutakoari jarraiki. 2022ko urtarrilean hasiko dira prezio berriak aplikatzen.

29·10·2021


Urtero onartu ohi dira hurrengo urterako taxien tarifak, eta halaxe egin dute urriko osoko bilkuran. Buruntzaldeko Taxiaren Eskualdeko Batzordean ordezkatuta dauden udalek 2022an prezioak %2,9 igotzea onartu zuten irailean egindako, Gipuzkoako taxilarien bi elkarteek (G.Taxi eta Agitax) hala eskatuta; KPIaren igoeraren aurreikuspenarekin lotu zuten igoera taxilariek.

Eskualdeko batzordean onartutakoa osoko bilkuretan onartzea egokitzen da, eta halaxe egin dute urriko osoko bilkuran: aho batez onartu dituzte prezio berriak.

2022 urterako herri barruko tarifa proposamena

Tarifa 1*

Tarifa 2*

Gutxieneko tarifa

Egindako km

Itxaronaldia, orduko

Gutxieneko tarifa

Egindako km

Itxaronaldia, orduko

5,5197

1,1735

22,5187

6,5792

1,8797

35,3901

Gutxieneko tarifak 1,5 kilometroko ibilbidea edo 5 minutuko itxaronaldia hartzen du.

* Lanegunetan, 07:00etatik 22:00etara arte.

** Tarifa hau egunero ezarriko da 22:00etatik 07:00etara arte. Bai igande eta bai araudi autonomikoan eta lokalean erabakitako jaiegunetan 07:00etatik 22:00etara, bai larunbatetan zein abenduaren 24an eta abenduaren 31n.