Web edukia bistaratu

Parekidetasun eta aniztasuna

Sailaren arduradun politikoa: Josune Estella jestella@usurbil.eus

Sailaren arduradun teknikoa: Maria Salsamendi parekidetasuna@usurbil.eus

  • Helbidea: Kale Nagusia, 43 behea
  • Telefonoa: 943 377110
  • Ordutegia: 9:00 - 14:00

 

Usurbilgo Udalaren berdintasunerako II. plana

 

Eduki publikatzailea

'Duelos y Perdidas: Cerrando páginas, abriendo etapas

Ahalduntze Eskola 2017·09·15

'Duelos y Perdidas: Cerrando páginas, abriendo etapas" Ahalduntze Eskola

Dagoeneko zabalik dago izen emate epea. Kontsultatu kartelean non eman daitekeen izena.

Mundualdia Usurbilen kartel-egitarauaren diseinu lehiaketa

2017·08·04

Mundualdia Usurbilen kartel-egitarauaren diseinu lehiaketa

Hiru urtez Herrianitza eguna ospatu ondoren aurten, urriaren 22ean ospatuko den MUNDUALDIA USURBILEN egunaren kartela lehiaketa bidez egingo da.

Santixabelak berdintasunean oinarritzeko deialdia egin du Usurbilgo Udalak

Santixabelak 2017·06·21

Santixabelak berdintasunean oinarritzeko deialdia egin du Usurbilgo Udalak

‘Jaietan ere, Beldur Barik’ dioten 7.000 pegatina prestatu ditu Udalak. Horrez gain, hainbat irizpide eman dizkie jai batzordeko kideei.

Web edukia bistaratu

 

Sailak ematen dituen zerbitzuak

  • Azpiegiturak, programak eta prozedurak egokitu eta sortzea, genero-ikuspegia beren administrazioan integratze aldera.
  • Toki-eremuan ekintza positiboko neurriak egikaritzea.
  • Toki-eremuan programak egitea, Jaurlaritzaren plangintza orokorraren esparruaren barruan eta foru-aldundiek egiten dituzten programen esparruaren barruan.
  • Estatistikak egokitu eta eguneratzea, horien bitartez toki-erakundeen eskumenekoak diren eremu guztietan emakumeek eta gizonek bizi dituzten ezberdintasun-egoerak ezagutu ahal izateko.
  • Toki-eremuan, emakume eta gizonen egoerari buruzko azterlanak eta ikerketak egitea.
  • Toki-eremuan, emakumeen eta gizonen ezberdin- tasun-egoerari buruz eta berdintasuna sustatzeko abiarazi behar diren neurriei buruz sentsibilizazio-jarduerak egitea.
  • Toki-araudia nolakoa den eta nola aplikatzen den begiratzea, emakumeen eta gizonen berdintasun-printzipioaren arabera.
  • Herritarrei, eta batez ere emakumeei, informazioa eta orientabidea ematea emakumeen eta gizonen berdintasunarekin zerikusia duten baliabideei eta programei buruz, bai eta bereizkeria anizkoitza jasaten duten emakumeei oinarrizko gizarte-eskubideetarako sarbidea bermatzeko zuzendurik dauden programa eta zerbitzuei buruz ere.
  • Bereizkeria anizkoitza jasaten duten emakumeek oinarrizko gizarte-eskubideetarako sarbidea izan dezaten programak osatzea edo zerbitzuak ematea, zerbitzuon izaera dela-eta udal mailan eman beharrekoak direnean.
  • Emakumeei eta gizonei bizitza pertsonala, familia eta lana uztartzea helburu duten baliabide eta zerbitzu soziokomunitarioak ezartzea, beren izaera dela-eta udal-mailan eskaini beharrekoak direnean.
  • Erakunde publiko zein pribatuekin harremanak finkatzea eta partaidetza eta lankidetzarako bideak ezartzea, baldin eta erakundeon xedeek edo eginkizunek toki-eremuan emakumeen eta gizonen berdintasuna erdiesten laguntzen badute.

 

Elkarlanean aritzen garen erakundeak (edo interesgarriak)

Gipuzkoako Foru Aldundia eta Eusko Jaurlaritza.

 

Bestelako azpi-atal interesgarriak

 

USURBILGO SEXU AHOLKULARITZA GUNEA


 

Harremanetarako:  Telf. 691 919 516 / sexuaholku@usurbil.eus
Helbidea: Kale nagusia 43, Udal Parekidetasun eta Aniztasuneko bulegoa.

Eskaintzen dituen zerbitzuak:

  • Herritarrei zuzendutako arreta zerbitzu sexologiko pertsonalizatua ematea. Arreta zerbitzuak modalitate desberdinak eskaintzen ditu: arreta presentziala, posta elektronikotik eta sare sozialetatik.
  • Arreta presentziala astearteetan ematen da bi astetik behin arratsaldez, 17:00etatik 19:00etara. Telefonoz deitu behar da txanda eskatzeko.
  • Informazioa, orientazioa eta aholkularitza ematea herriko eragileei zein herriko erakunde desberdinetan lan egiten duten profesionalei.
  • Sentsibilizazio jarduerak antolatzea eta garatzea herrian.
  • Formazio jarduerak burutzea.
  • Proiektuak izaera integrala eta estrategikoa duela kontutan izanda, herri mailan Udalak zein beste hainbat eragilek berdintasun, hezkuntza eta/edo osasunaren arloan egiten duen lanarekin uztartzen da, herri eragileekin sare lana bultzatzeko hainbat ekintza burutzen direlarik.

 

HEZKIDETZA PROGRAMA

Hezkidetza programaren xedea ikastetxeetan tratu onak eta neska-mutilen arteko harremanetan parekidetasuna sustatzea da. Horixe da, hain zuzen ere, indarkeriari eta bereziki emakumeen kontrako indarkeriari eraginkorki aurre egiteko bidea. Norbere burua onartzea eta maitatzen laguntzea da muina, horrela izango baititugu pertsona zein harreman osasuntsu eta gustagarriak. Sexismoan oinarritutako botere harremanak ezbaian jartzea eta aniztasunaren errespetuan sortutako harreman parekideen ereduan sakontzea dugu helburu.

Sexune elkarteak kudeatzen du zerbitzua.

Helburu orokorra:

Jendarte parekidea eta harreman gozagarriak lortzeko oinarrizko hausnarketa eta praktikak abian jartzea

Helburu zehatzak:

1. Harreman onak sustatuz bortizkeriaz, eta bereziki emakumeen aurkakoaz, hausnarketa bultzatu eta aurre egiteko baliabideak eskaini.
2. Sexismoan oinarritutako estereotipoak ezbaian jartzea, eta pertsonen sexualitate anitza aurkeztea
3. Maitasun erromantikoa ezbaian jartzea: norbanakoaren mundu emozionala eta bere desiren garrantziaz jabetzea
4. Ikasleekin landutako eduki eta jarrerak sendotzeko hezkuntza komunitatearekin eta herriko eragileekin elkarlana abiatzea.

Hezkidetza lantzeko programaren baitan honako ekintzak garatzen dira:

  • Udarregi Ikastolan eta Usurbilgo Lanbide Hastapenerako Prestakuntza zentroan ikasle, irakasle eta gurasoei zuzendutako prestakuntza saioak ematea ikasturtero.
  • Ikasleei zuzendutako aholkularitza zuzena eskaintzea.
  • Herri mailan udalak zein beste hainbat eragilek berdintasunaren arloan egiten duen lanarekin uztartzen denez, herri eragileekin sare lana bultzatzeko hainbat ekintza burutzen dira.
  • Harremonak kooperatiba txikiak kudeatzen du zerbitzua.

 

AHALDUNTZE IKASTAROAK

Emakumeok prestakuntza jasotzeko, hausnartzeko eta elkarrekin egoteko dugun gune bat da, ahalduntze pertsonala eta kolektiboa eskuratzeko prozesuan, aurrera egiten lagunduko diguten gaitasunak ikasi eta garatzeko espazioa, alegia.
Prestakuntzaren bitartez, helburua emakumeen partaidetza soziala eta politikoa bultzatzea da.
Antolatzen diren ikastaroak adin eta interes desberdinetako emakumeei zuzendutakoak izaten dira. Eskola emakumeon aldeko eta emakumeontzako topagune bilakatzea nahi dugu.

Zer da ahalduntzea?

Emakumeen eta gizonen arteko berdintasuna bilatzeko estrategia bat da, eta lagundu egiten die emakumeei euren bizitzaren kontrola hartzen, euren buruarekiko konfiantza handitzen eta
trebetasunak garatzen, beren arazo zehatzei konponbidea bilatzeko.

Hiruhilero ikastaro desberdinak antolatzen dira. Izen emateko parekidetasun saileko bulegora jo daiteke, parekidetasuna@usurbil.eus helbidera idatziz eta/edo 943 377110 telefonora deituaz.

 

EMAKUMEENGANAKO INDARKERIARI AURRE EGITEKO BALIABIDEAK

Emakumeenganko indarkeriari aurre egiteko baliabideen inguruko informazioa eskaintzen da.

 

ARGITALPENAK

“Lurra, lana, izana: Usurbilgo emakume baserritarren ahotsak” liburua eta DVD-a.

 

2013. urtean Usurbilgo Udalak Emakume Baserritarren inguruko ikerketa bultzatzeko, 10.000 euroko ikerketa beka argitaratu zuen. Aurkeztutako lanen artean, Maitane Arnaiz Etxenausia eta Leire Urkidi Azkarragak planteatu zutena irabazlea izan zen. Urtebete luzean egindako lanaren emaitza dira “LURRA, LANA, IZANA. Usurbilgo Emakume Baserritarren Ahotsak” liburua eta barruan doan dokumentala, DVD formatuan.

Emakume baserritarrei zor zitzaien ahotsa ematea. Baserria mantendu bada, hein handi batean, emakumeei esker izan da eta horrekin batera doazen izaera, kultura eta ohituren transmisioaren babesleku izan dira Usurbilgo baserritar emakumeak. “Lurra, lana izana!” liburu-bideoan guzti horren testigantza jasotzen da.  Hezkuntza, ohiturak, erlijioaren eragina, generoaren araberako lan banaketa, bizitza publikoa... arlo desberdinak aztertu dira elkarrizketen bidez.

10 eurotan eskura daitezke liburua eta DVD-a NOAUA! Kultur Elkarteko egoitzan.

Dokumentala ikusgai dago youtube atarian:

https://www.youtube.com/watch?v=9TlrCItTIHY

 

Interes publikoko dokumentazioa

  • Emakume eta gizon arteko aukera berdintasuna Usurbilen. Diagnostikoa (2008)
  • Usurbilgo emakume eta gizonen arteko berdintasunerako I. Plana (2010-2014)
  • Emakumeen kontrako indarkeria eta erakundeen arreta Usurbilen. Egoeraren diagnosia. (2011)
  • Erakundeen jarduerarako eta koordinaziorako I. Udal Protokoloa (Genero indarkeriaren eta sexu erasoen biktima diren emakumeei arreta hobea emateko) (2016)

Lege markoa

  • Emakumeen eta Gizonen Berdintasunerako otsailaren 18ko 4/2005 Legea.
  • Martxoaren 22ko 3/2007 Lege Organikoa, Emakumeen eta Gizonen Berdintasun Eragingarrirako.
  • Abenduaren 28ko 1/2004 Lege Organikoa, Genero Indarkeriaren Aurka Osoko Babesa Emateko Neurriei Buruzkoa.
  • EAEn indarrean den Emakume eta Gizonen Berdintasunerako VI. Plana
  • Gipuzkoako Foru Aldundiko Emakumeen eta Gizonen Berdintasunerako II. Foru Plana 2012-2020.
  • Emakumeen aurkako diskriminazio-modu guztiak deuseztatzeari buruzko konbentzioaren aukerako protokoloa, 1999.
  • Etxeko tratu txarrak eta sexu-erasoak jasaten dituzten emakumeei laguntza hobea emateko  erakunde arteko hitzarmena, 2001.
  • Etxeko tratu txarrak jasaten dituzten emakumeentzako segurtasun-plana, 2002-2004.
  • Etxeko indarkeria eta genero-indarkeria jasaten dituzten biktimak babesteko, Segurtasuneko Indar eta Kidegoek organo judizialarekin koordinatu ta jarduteko protokoloa, 2004.
  • Etxeko indarkeria jasaten duten biktimak babesteko  agindua ezartzeko protokoloa, 2003.
  • Etxeko indarkeria jasaten duten biktimei ezarritako babes-agindua eraginkorra izateko koordinazio-protokoloa gizarte-zerbitzuen alorrean, 2004.
  • Generoko Indarkeriaren aurkako Babes Osoko Neurriei buruzko Legea eta Etxeko Indarkeriaren  Biktimak Babesteko Agindua eraginkorra izateko lurraldekako koordinazio-protokoloak, 2005eko ekaina.
  • Etxeko tratu txarrei buruzko osasun-protokoloa.
  • Etxeko tratu txarrak jasaten dituzten biktimentzako harrera eta etxebizitza-baliabideak hobetzeko programa, 2004-2005.

 

Aniztasuna

 

Ongi-etorri gida

Jatorri desberdinetatik Usurbilera bizitzera etortzen direnei zuzendutako Ongi-etorri gida argitaratu zuen Usurbilgo Udalak 2014ean. Alkatearen agurrarekin batera, herriko zerbitzu, ekipamentu, nahiz baliabideen inguruko informazioa jasotzen da bertan. Aipatutako guneen kokaguneak zehazten dituen kaxkoko mapa ere txertatu da.
Usubilen erroldatzen diren herritarren jatorri aniztasuna aintzat hartuta, gidaren edukiak euskaraz, gazteleraz, ingelesez eta frantseseraz argitaratu dira. Udal erregistroan erroldatzera etortzen den orori gidaren ale bat luzatuko zaio eta bide batez, erroldaren jakinarapenarekin batera, alkatearen eskutitza bidaliko zaie etxeetara, haren ongi-etorria jaso dezaten.
Usurbilgo Udala Udalanitz sareko partaidea izan zenez geroztik, aniztasuna, migrazioa eta elkarbizitzaren aldeko lanketan sakontzeari ekin zion. Hainbat neurri abian jarri dira iada, lehen urratsetako bat, udaletik herritar etorri berriei egiten zaien harrera eta ongi-etorria jorratzea eta berregokitzea izan da.
Bide batez, Udalak eskerrak eman nahi dizkie gidaren edukiak lantzen lagundu duten herriko eragile eta norbanako guztiei.

 

Usurbilgo jatorri aniztasuna zenbakitan

Elkarbizitzaren gakoetako bat gure herria osatzen dugun pertsona, jatorri eta kultura ezberdinen arteko elkar ezagutza izaten da. Elkar ezagutza elkarbizitzaren oinarrian lehen urratsa dela ulertzen dugu, honek elkar ulertzea baitakar atzetik eta elkarren aitortza ondoren.Gure ingurune sozialean ustez errealitatea azaltzen duten hainbat estereotipok hartzen dute, askotan estereotipo negatiboak izaten direlarik. Orri honetan aurkituko ditugun datuek esteroetipo horiek deseraikitzen lagun dezaketela ulertzen dugu. Dautak eskuartean izanda, hainbat ekintza egin daitezke deseraikitzearen norabidean. Aipatutako abiapuntutzat hartuz, atari honek bi helburu nasi ditu:
- Herritarren esku, haien inguru hurbileko informazioa zehatza emango duen tresna digital erabilgarri eta ulerterraza jartzea.
- Datuen bidez elkar ezagutza sustatzea, migrazio eta jatorri aniztasunaren eremuan.

 

Usurbil herri anitza!

Usurbilgo Udalak 2014ean “Usurbil, herri anitza!” izeneko zikloa antolatu zuen.
Helburu orokorra, herritarrekin elkarbizitzaren eta jatorri aniztasunaren gaineko hausnarketa prozesu bat zabaltzea, zeinek aukera ematen duen eskema asimilazioneista zaharrak gainditzeko.
Bestetik, helburu zehatzak honakoak izan dira:

  • Migrazioa eta aniztasunaren eguna antolatzea herrian.
  • Saretze lana egitea.
  • Sentsibilizazio lanak burutzea.
  • Herritarren arteko bizikidetzaren inguruan lanketa egitea.
  • Jatorri desberdinetako herritarren artean zubiak eraikitzen joatea.

Migrazioa eta aniztasunaren gaiak lantzeko 2014ean lantaldea sortu zen herrian Udalaren ekimenez, bertan, herriko eragileak, etorri berriak eta jatorri desberdinetako herritarrek hartu zuten parte. Usurbil, herri anitza! Zikloaren I. edizioak izandako arrakastaren ondoren, 2015ean ere egitasmo honi jarraipena ematea erabaki zen eta 2015ean ere “Usurbil, herri anitza! 2016” antolatu zen herrian.
Ziklo honen baitan, hainbat ekintza antolatu izan dira, besteak beste; hitzaldiak, erakusketak eta jaialdia bera.