Eduki publikatzailea

Azala Berriak duen edukia.

Usurbilgo Udalak elkarretaratzea deitu du biharko, berriki herrian gertatu den eraso sexista bat salatzeko

PAREKIDETASUNA 2018·08·20

Usurbilgo Udalak elkarretaratzea deitu du biharko, berriki herrian gertatu den eraso sexista bat salatzeko

Abuztuaren 14ean gizonezko bat atxilotu zuen Ertzaintzak Usurbilen, bikotekide ohia erasotzeagatik. Epaileak urruntze-agindua ezarri dio. Horren aurrean, Udalak erasoa ozen salatu nahi du eta herritarrei dei egiten die bihar kalera ateratzeko eta plaza publikoan eraso sexistarik gabeko Usurbil nahi dugula aldarrikatzeko. Elkarretaratzea 20:00etan izango da, Mikel Laboa Plazan

Harria Hitz eta Musika Hambostaldia, egitarau berean

KULTURA 2018·07·25

Harria Hitz eta Musika Hambostaldia, egitarau berean

Abuztuaren 5eko kultura-agenda bete-betea dator. Egitarau bikaina osatu da. Aukera paregabea, kulturaz gozatzeko: leheneik, Harria Hitz ibilbidea egiteko aukera; gero, Zumeta arte estudioa ezagutzeko aukera, eta, azkenik, Marina Tchebourkinaren kontzertua entzuteko aukera. Organo jotzaile horrek mundu mailako estreinaldia eskainiko du Usurbilgo Salbatore Elizako Mutin organoan, Donostiako Musika Hamabostaldiaren barruan. Aldez aurretik izena ematea beharrezkoa da: 688 818 017 / info@kultour.pro.

Euskaraldia Udalean sustatzeko adierazpena onartu du udalbatzak

EUSKARA 2018·07·24

Euskaraldia Udalean sustatzeko adierazpena onartu du udalbatzak

Aho batez onartu du gaur arratsaldeko osoko bilkuran udalbatzak Euskaraldia Udalean sustatzeko erakunde-adierazpena, eta, horrenbestez, “erantzukizunez eta eredugarritasunez jokatzeko” konpromisoa hartu du. Hain justu, irailaren 20an zabalduko da Euskaraldian izena emateko epea, eta horri begira, ekitaldia ari da antolatzen herriko batzordea.

Alaitz Aizpurua: “Usurbilen ia doakoa da euskara ikastea”

EUSKARA 2018·07·25

Alaitz Aizpurua: “Usurbilen ia doakoa da euskara ikastea”

2017/2018 ikasturtean euskara ikasi dutenentzako eta aisialdiko begirale ikastaroak egin dituztenentzako diru-laguntzei buruzko proposamen-ebazpenak egin ditu gaur goizean Diru-laguntzen Batzorde Orokorrak. 43 herritarrek jasoko dituzte laguntzak, euskara ikasteagatik. Orotara, 17.191 euro banatuko ditu Udalak, hau da, ia ehuneko ehunean ordainduko die Udalak matrikula herritarrei. Aisialdiko ikastaroari dagokionez, 15 lagunek egin dute, eta guztiek jasoko dituzte laguntzak, 2.500 euro, guztira. Bi ebazpenok astelehenean argitaratuko dituzte Gipuzkoako Aldizkari Ofizialean.

Diputazioak ez ditu aintzat hartu Udalak eta herritarrek Buruntzaldeko autobus-zerbitzua berrantolatzeko proiektuari egindako alegazioak

2018·07·25

Diputazioak ez ditu aintzat hartu Udalak eta herritarrek Buruntzaldeko autobus-zerbitzua berrantolatzeko proiektuari egindako alegazioak

Gaur argitaratu dira Gipuzkoako Aldizkari Ofizialean erabilera orokorreko bidaiarien garraio erregular iraunkorreko zerbitzu publikoaren "Tolosa, N-1 eta Buruntzaldea eta Donostiako loturak" izeneko emakida ezartzeko aurreproiektua jendaurrean egon zen denboran aurkeztutako alegazioei emandako erantzunak. Usurbilgo Udalak eta 2.000 usurbildarrek alegazioak aurkeztu zituzten, Usurbilen ematen diren garraio-zerbitzuetako linea eta ordutegi guztiak mantentzeko eskatzeko. Erantzuna hauxe izan da: "Ez da aintzat hartzen". Proiektu berritua gaur bertan ere argitaratu behar zuten, II.eranskin modura, baina ez dute deus argitaratu.

2018·07·20

"Aldundiak Buruntzaldeko herritarrak eta udalak mespretxatzen ditu""

Gaur Andoaingo, Hernaniko eta Usurbilgo udalen ordezkariak elkartu dira Donostian, Foru Aldundiaren egoitza nagusian, Marisol Garmendia Mugikortasun diputatuak eta berak zuzentzen duen Departamentuak Buruntzaldeko autobusen zerbitzua aldatzeko prozesuan izan duten jarrera salatzeko. Prozesu itxia, gardentasun eta parte-hartzerik gabea izan dela nabarmendu dute Beterri-Buruntza eskualdeko hiru herriren ordezkariek.

Aginagako jubilatuen egoitzako taberna kudeatzeko esleipena abiatu du Udalak

2018·07·11

Aginagako jubilatuen egoitzako taberna kudeatzeko esleipena abiatu du Udalak

Aginagako Arrate jubilatuen elkarteko taberna kudeatzeko esleipena jarri du martxan Udalak. Gaur bertan argitaratu ditu Udalaren webgunean esleipena arautzen duten pleguak, eta bihartik aurrera, 15 eguneko epea dute interesatuek proiektua aurkezteko. Uztailaren 26an bukatzen da epea. Kontratuaren iraupena urtebetekoa izango da, eta beste hiru urtez luzatzeko aukera izango da. Gutxieneko kanona, hilekoa, 25 eurokoa izango da.

Aranerrekako ingurua biziberritzeko proiektua abiatuko du Udalak

Ingurumena 2018·07·11

Aranerrekako ingurua biziberritzeko proiektua abiatuko du Udalak

Añarbek 50 urte bete dituela-eta, urtemugaren harira, mankomunitatea osatzen duten udalerriei diru-laguntza berezia emango die urarekin lotutako proiektuak gauza ditzaten, eta Usurbilgo Udalak aukera hori baliatu du Aranerreka errekaren ur kalitatea aztertzeko, eta, ondotik, erreka garbitzeko egin beharreko inbertsioak egiteko. Azterlana Ekolurrek egingo du hilabeteotan. Horrekin batera, errekarekin harremana areagotzeko helburuz, jolasgune bat ere jarriko du Errekatxikin.

Errauste-plantara gasa eramateko obrak hasi ditu gaur NorteGasek Santuenea eta Amidi artean

2018·07·09

Errauste-plantara gasa eramateko obrak hasi ditu gaur NorteGasek Santuenea eta Amidi artean

Iaz egin zituzten Donostia aldeko lanak, eta gaur hasi dituzte Usurbil aldekoak, urtebeteko atzerapenarekin. Prozesua luzea izan da, Udalaren aldetik jarritako ukapenak eta baldintzak hainbat izan direlako. Herritarrei ahalik eta kalte txikiena eragiteko, obrak hiru fasetan egingo dira, eta bi hilabeteko iraupena izango dute. Segurtasuna bermatzeko, lanean ari diren egunetan errepidea itxi egingo dute ibilgailu motorizatuentzat.

Oinarrizko Lanbide Heziketan matrikulatzeko epealdia uztailaren 12tik 18ra bitarte da

HEZKUNTZA 2018·07·09

Oinarrizko Lanbide Heziketan matrikulatzeko epealdia uztailaren 12tik 18ra bitarte da

2018-19 ikasturtean Usurbilgo Oinarrizko Lanbide Heziketan matrikulatzeko epea uztailaren 12an zabalduko da, eta 18ra arteko epea dago horretarako. Bi ziklo eskaintzen dira Usurbilen: sukaldaritza eta jatetxe arloko oinarrizko lanbide-titulua, eta ile-apainketa eta estetika arloko titulua. 15, 16 eta 17 urteko gazteentzat dago zuzenduta, DBHko graduatua ez dutenentzat, hain zuzen. Aurrematrikulazioan 30 gaztek eman dute izena.

Musika Hamabostaldiko kontzertu bat, Usurbilgo Salbatore Elizan

KULTURA 2018·07·05

Musika Hamabostaldiko kontzertu bat, Usurbilgo Salbatore Elizan

Aurreko urteen ildotik, uda honetan ospatuko den Donostiako Musika Hamabostaldiko hitzorduetako bat Usurbilen antolatu dute, Usurbilgo Udalaren laguntzaz. Abuztuaren 5ean hain zuzen. Mundu mailako estreinaldia eskainiko du Marina Tchebourkina organista errusiarrak Salbatore Elizako organoan, 20:00etatik aurrera.

Haur sahararrak Usurbilen

2018·07·04

Haur sahararrak Usurbilen

Oporrak Bakean egitasmoaren barruan, Saharako bi haur hartu dituzte harreran Usurbilgo bi familiak uda honetan. Programaren helburua da bi hilabetez haurrak saharar errefuxiatu kanpamentuetatik ateratzea, eta, bide batez, basamortuan udako bi hilabete horietan pairatzen den tenperatura altuetatik babestea. Ongi etorri!

Erroizpeko ura jarri du berriz Udalak

2018·07·04

Erroizpeko ura jarri du berriz Udalak

Azken asteotan, herriko ur-sisteman probak egin dituzte, eta guztiak ondo funtzionatzen duela-eta, Eusko Jaurlaritzako Osasun Sailak baimena eman dio Udalari berriz ere herriko zati bat Erroizpeko uraz hornitzeko. Atzo herritarrei bando bidez jakinarazi zitzaien, eta gaur bertan hasi dira. Bestalde, herriko ur-sistema ezagutzeko aukera eman nahi die Udalak herritarrei, eta horretarako hainbat bisita antolatu ditu: bata, uztailaren 17an izango da eta bestea 21ean. Izena udaletxeko erregistroan eman behar da.

HOBEKI hondakinen kudeaketa arduratsu eta jasangarriaren aldeko udalerrien elkartea aurkeztu dute

HIRI-HONDAKINEN KUDEAKETA 2018·06·20

HOBEKI hondakinen kudeaketa arduratsu eta jasangarriaren aldeko udalerrien elkartea aurkeztu dute

Hobeki sortu berri den udalerrietako zenbait ordezkarik aurkeztu dituzte gaur, Orona Ideon (Hernani), elkartearen printzipioak eta helburuak. Hobeki Euskal Herriko toki entitateen arteko elkartea da, eta hondakinen kudeaketa arduratsua eta jasangarriarekiko duten konpromisoak batu ditu.

BerriaLagun kanpaina, Berria, euskara eta herri-merkataritza sustatzeko ekimena

GARAPEN EKONOMIKOA 2018·06·18

BerriaLagun kanpaina, Berria, euskara eta herri-merkataritza sustatzeko ekimena

BerriaLagun kanpaina abiarazi dute Berriak, Usurbilgo Udalak eta Hurbilagok, Usurbilen. Herriko 31 merkatarik egin dute bat egitasmoarekin, eta ekainaren 18tik uztailaren 16ra bitarte, BerriaLagun egin diren establezimendu horietan erosten duten bezeroen artean hiru sari potolo zozketatuko dira: 500 €- ko bi txeke, eta 300 €-ko beste bat, azken hori Ttipi Ttapa ibilbidea egiten dutenen artean. Zozketa uztailaren 16an egingo da. Berriaren proiektua, euskara eta herri-merkataritza sustatzea helburu duen kanpaina da BerriaLagun.

Euskara ikasi dutenek diru-laguntzak eskatu ahal izango dituzte ekainaren 25etik aurrera

EUSKARA 2018·06·15

Euskara ikasi dutenek diru-laguntzak eskatu ahal izango dituzte ekainaren 25etik aurrera

2017/2018 ikasturtean euskara ikasten aritu diren herritarrentzat zuzendutako diru-laguntza deialdia egin du Udalak, eta herritarrek matrikula kostuaren % 100 jaso ahal izango dute, deialdian zehaztuta dauden baldintzak bete badituzte. Edonola ere, gehienez ere, 600 euro emango dira. Bestetik, ikasturte honetan aisialdiko begirale edo zuzendari ikastaroak egin dituztenentzat ere diru-laguntza deialdia kaleratu du Udalak. Deialdi baterako zein besterako eskaerak ekainaren 25etik uztailaren 6ra bitarte egin behar dira.

Igerileku txikia handitzeko lanak irailean hasiko dira

KIROLA 2018·06·13

Igerileku txikia handitzeko lanak irailean hasiko dira

Kiroldegiko igerileku txikia handitu eta irisgarri egiteko lanak atzeratu egin dira, eta, ondorioz, uztailean hasi ordez, irailean hasiko dira. Ondorioz, udaran igerilekua irekita egongo da, ohi bezala. Obrak atzeratuko badira ere, abonuetan ez du inolako eraginik izango, hau da, % 20ko konpentsazioa berdin-berdin aplikatuko du Udalak.

Eskola kirola berrantolatzeko proposamena aurkeztuko dute asteartean

HEZKUNTZA 2018·06·07

Eskola kirola berrantolatzeko proposamena aurkeztuko dute asteartean

Eskola Kirola berrantolatzeko proposamena landu dute eskola kiroleko hezitzaileek, Udarregi Ikastolak, Noaua Kultur Elkarteak eta Usurbilgo Udalak. Proposamen berritzailea osatu dute, eta datorren ikasturtean bertan jarri nahi dute abian. Aurrez, baina, LHko gurasoei aurkeztu nahi zaie, gurasoen iritzia jasotzeko asmoz. Horretarako, batzarra antolatu dute astearterako, hilak 12: 17:30ean, Sutegin.

Udal-gobernua:

2018·06·04

Udal-gobernua: "Aire-kalitatearen neurketa egokia eta zorrotza bermatu nahi izan du Udalak"

Aire-kalitatearen neurketei buruz EAJk esan dituenei erantzunez, udal-gorbernuak prentsa-oharra kaleratu du, eta gai honek udalean izan duen ibilbidearen berri eman du, xehetasun osoz. Haien esanetan, Udalak ez du airearen kalitatea neurtzeko hainbat herritan jarri diren kabina jartzea eragotzi, ez eta "baldintza arbitrario edo zentzugabeak" jarri, EAJk salatu duen bezala. "Oso bestela izan da. Arrazoizko baldintzak eskatu ditu, airearen neurketa taxuzkoa egin dadin. Gutxien-gutxienekoak eskatu ditugu". Horregatik, Udalak arduraz eta erantzukizunez jokatu duela iritzi dio.

Etxez etxeko udal-zerbitzuan hainbat hobekuntza egingo dira

GIZARTE POLITIKAK 2018·05·31

Etxez etxeko udal-zerbitzuan hainbat hobekuntza egingo dira

Etxez etxeko laguntza zerbitzua arautzen duen udal arautegia aldatzea onartu zuen udalbatzak, aho batez, asteartean. Izan ere, EAEko Gizarte Zerbitzuen Legearen ondorioz, zerbitzu hori udalen eskumenekoa izatera pasatuko da 2020an, eta, bitartean, Udalak Diputazioarekin hitzarmenak egiten ari dira, trantsizio-aldia arautzeko. Hala, zerbitzuan hainbat aldaketa emango dira, hoberako. Esaterako, zerbitzuaren prezioa jaitsi egingo da, eta aurrerantzean gehienezko prezioa, orduko, 15 eurokoa izango da. Udal-arautegi berria erakusketa publikoan egongo da orain, 30 eguneko epean alegazioak aurkezteko.