Eduki publikatzailea

Azala Berriak duen edukia.

Usurbilgo Euskaraldia Batzordeak Ahobizi eta Belarriprest tailerrak antolatu ditu urriaren 24 eta 30erako

2018·10·19

Usurbilgo Euskaraldia Batzordeak Ahobizi eta Belarriprest tailerrak antolatu ditu urriaren 24 eta 30erako

Usurbilgo Euskaraldia Batzordeak Ahobizi eta Belarriprest tailerrak antolatu ditu urriaren 24 eta 30erako. Ekimen honekin Ahobiziak eta Belarriprestak prestatu nahi dira. Bi tailerrak Potxoenean izango dira, 18:00etatik aurrera.

Taxi Bus zerbitzu berezia jarriko du Udalak azaroaren 1ean, hilerrira igotzeko

2018·10·18

Taxi Bus zerbitzu berezia jarriko du Udalak azaroaren 1ean, hilerrira igotzeko

Santu Guztien Egunean, azaroaren 1ean, Usurbilgo Udalak Taxi Bus zerbitzu berezia jarriko du, hilerrira igo edota hilerritik jaisteko. 10:00etatik 14:00etara bitarte, joan-etorrian ibiliko da Taxi Busa, eta zerbitzua doakoa izango da. San Inazioko autobus-geltokitik irtengo da.

Gureak eta Elkar enpresek Usurbilen kokatuko dituzte euren jarduera nagusiak

2018·10·17

Gureak eta Elkar enpresek Usurbilen kokatuko dituzte euren jarduera nagusiak

Hutsik dagoen Michelingo lurzoruan kokatuko dituzte Gureak-ek eta Elkar Fundazioak euren jarduera nagusiak, eta egitasmo horri bide ematen dion hirigintza-hitzarmena izenpetu dute gaur goizean Usurbilgo Udalak, Michelinek, Gureak-ek eta Elkar Fundazioak. Xabier Arregi alkateak proiektuaren dimentsioa nabarmendu du: “Inguru degradatu bat oso modu duinean eraberritzera goaz, hirigintza moderno eta jasangarriaren irizpideak aplikatuz”. Gainera, 950 lanpostu inguru birkokatuko dira. Lau erakundeon artean izan den elkarlana goraipatu dute guztiek.

Jatorri aniztasuna, plazara

2018·10·11

Jatorri aniztasuna, plazara

Urriaren 20ean ospatuko da Mundualdia jaialdia, Usurbilek pilatzen duen kultura-aniztasuna herriko plazan biltzeko asmoz. Izan ere, Usurbilgo udal-ordezkariek argi dute: “Kultura-aniztasuna, elkar errespetua eta elkar aitortza gure herriaren ikur bihurtu nahi ditugu. Ikur ez ezik, gure eguneroko jardun. Aniztasunak aberastasuna baitakar gure herrira; ez, ordea, mehatxua”. Horretarako bokazioa du Mundualdiak.

Buruntzaldea oinez ezagutzeko ekimena

2018·10·11

Buruntzaldea oinez ezagutzeko ekimena

Urriaren 21ean izango da, igandearekin, Buruntzaldeko Ibilbideen eguna. Aurtengoa 11. edizioa da, eta 6 ibilbide egiteko aukera eskaini dute, horietako bat, 27 kilometrokoa. Ekimen honetan, jarduera fisikoa egiteaz gainera, Buruntzaldea eta bere ingurune naturala ezagutzeko parada paregabea eskaintzen da. Herri bakoitzean kontrolerako gune bat egongo da, argibideak emateko eta mokaduak eta edatekoak banatzeko.

Urriaren 16an jarriko da martxan Sexu Aholkularitzarako gunea

2018·10·10

Urriaren 16an jarriko da martxan Sexu Aholkularitzarako gunea

Sexune taldeak jarraituko du Usurbilgo Udaleko Sexu Aholkularitzarako gunea kudeatzen, eta, hain justu, urriaren 16an jarriko da martxan, berriz ere. Elena Jimenez sexologa da arduraduna. Zerbitzu horren bidez, herritarrei informazio eta formazio sexologikoa eskaintzen zaie, bai bakarka bai bikoteka. Astearte arratsaldetan egoten da zabalik, eta zita aldez aurretik eskatu behar da. Doako zerbitzua da.

Txirinbolon agertu diren mehatxuak gaitzetsi ditu udal-gobernuak

2018·09·24

Txirinbolon agertu diren mehatxuak gaitzetsi ditu udal-gobernuak

Txirinboloko dendan egin dituzten margoketak direla eta, ezer baino lehen, udal-gobernuak babesa adierazi nahi dio Txirinbolo dendako jabeari eta haren senideei, euren dendan azaldu diren mehatxuengatik, eta beharrezko laguntza eskaini dio. "Halako erasoak onartezinak direla argi dugu eta tokiz kanpo daude", nabarmendu du udal-gobernuak.

Zubietako Herri Batzarra: “Txanpon batzuen truke, Zubieta saltzen ari dira”.

2018·09·25

Zubietako Herri Batzarra: “Txanpon batzuen truke, Zubieta saltzen ari dira”.

Eneko Goia Donostiako alkateak Loiolako kuartel militarra Zubietara lekualdatzeko asmoa azaldu duela-eta, EHBilduk egitasmo horren aurkako mozioa aurkeztu du gaurko osoko bilkuran. Mozioak aurrera egin du EHBilduren aldeko botoekin; EAJko eta PSEko zinegotziek abstentziora jo dute. Ika-mika bizia izan da alderdien artean, eta Zubietako Herri Batzarreko kideak osoko bilkurara bertaratu dira: “Gutxienik, gure iritzia entzuteko eskatzen dugu”.

Euskal Herriko IV. Sagardo Txapelketa Herrikoiaren finala Usurbilen jokatuko da larunbatean

2018·09·24

Euskal Herriko IV. Sagardo Txapelketa Herrikoiaren finala Usurbilen jokatuko da larunbatean

Afaltzera gerturatuko diren herritarren artean erabakiko da zein izango den 2018ko Euskal Herriko Txapelketa herrikoiaren txapelduna eta finalistak zein izan diren. Finala larunbatean, irailaren 29an izango da Usurbilgo Frontoian iluntzeko 20:00etan eta txartelak oraindik ere salgai daude Gipuzkoako Sagardogileen Elkartean eta Usurbilen Txiriboga, Bordatxo, Alkartasuna, Artzabal eta Astiazaranen irailaren 28ra bitartean.

Gaztelekua aurkezteko bilera izango da ostegun honetan

GAZTERIA 2018·09·24

Gaztelekua aurkezteko bilera izango da ostegun honetan

Ikasturte berria hasi dela-eta, Usurbilgo Udaleko Haur, Nerabe eta Gazteen Sustapen Sailak herriko Gaztelekua ezagutzera emateko bilera antolatu du Gaztelekuko erabiltzaile berrien gurasoekin irailaren 27rako. Bilera 18:00etan hasiko da, Gaztelekuan bertan. Irailaren 22an zabaldu zituen ateak Gaztelekuak. Hain justu, 12 eta 17 urte bitarteko gazteei aukera paregabea eskaintzen die Gaztelekuak aisialdiaz gozatzeko, lagunekin egoteko eta, euskaraz, modu aktiboan parte hartzeko. Izen-emateko orria beteta eraman behar da bilerara.

“Ez ditugu herri hilak nahi”

2018·09·21

“Ez ditugu herri hilak nahi”

Beterri-Buruntzako merkatarien elkarteek sentsibilizazio kanpaina abiarazi dute herri-merkataritzak bizi duen egoera kezkagarriaz herritarrak sentsibilizatzeko, eta, horretarako, beltzez estali dituzte euren erakus-leihoak. Eskualdeko udalen babesa jaso dute, tartean, Usurbilgo Udalarena. Datorren astean koloreak ordezkatuko du beltza, herri-merkataritzak herri-bizitzari egiten dion ekarpena eta bizitasuna aldarrikatzeko.

Loiolako kuartel militarra Zubietara lekualdatu nahi dutela-eta, EHBilduk mozioa aurkeztuko du hilaren 25eko osoko bilkuran

2018·09·20

Loiolako kuartel militarra Zubietara lekualdatu nahi dutela-eta, EHBilduk mozioa aurkeztuko du hilaren 25eko osoko bilkuran

Datorren asteartean, hilaren 25ean, ohiko osoko bilkura egingo du udalbatzak. Bi gai nagusi jorratuko dituzte: alde batetik, Usurbilgo Udala, Michelin, Gureak eta Elkar Fundazioaren arteko hirigintza-hitzarmenari behin-betiko onarpena ematea, eta, beste alde batetik, Loiolako kuartel militarra Zubietara lekualdatzeko asmoari buruzko mozioa. Udalbatza, ohi bezala, 18:00etan hasiko da.

Emakumeen ahalduntzea sustatzeko, bi ikastaro antolatu ditu Udalak, hiruhileko honetarako

PAREKIDETASUNA 2018·09·20

Emakumeen ahalduntzea sustatzeko, bi ikastaro antolatu ditu Udalak, hiruhileko honetarako

Emakumeak ahalduntzeko helburuz, ikastaro ugari antolatu ohi ditu Usurbilgo Udalak urtean zehar. Hiruhileko honetarako ere, bi ikastaro antolatu ditu: batetik, Pepa Bojo psikologoak zahartzen ikasteko ikastaroa eskainiko du (El placer de madurar-aprendiendo a envejecer), eta, bestetik, biodantza egiteko aukera eskainiko da. Bi ikastaroak urritik abendura bitarte izango dira, eta doakoak dira. Parekidetasun Sailean eman behar da izena.

Gaur zabaldu da Euskaraldian izena emateko epea

EUSKARA 2018·09·20

Gaur zabaldu da Euskaraldian izena emateko epea

Euskaraldian parte hartu nahi duzula? Ahobizi edo belarriprest izan nahi duzula? Ez dakizula nola egin? Euskaraldia antolatzen ari den herriko batzordeak webgune bat jarri du martxan Euskaraldiaren gaineko informazio guztiarekin: www.usurbil.euskaraldia.eus. Hain justu, gaur zabaldu da Euskaraldian izena emateko epea. Webgunetik bertatik egin daiteke, edota Noaua!n edota Potxoenean bertan. Hainbat egunetan ere kalean mahaiak jarriko dituzte; esate baterako, asteburu honetan bertan, Santuenean mahaia jarriko dute, eta han izango dira Eli eta Patxi.

Ikasturte berriari ekin dio Oinarrizko Lanbide Heziketako Institutuak

2018·09·17

Ikasturte berriari ekin dio Oinarrizko Lanbide Heziketako Institutuak

Irailaren 7an hasi zuen ikasturtea Usurbilgo Lanbide Heziketako Udal Institutuak. Aurten 54 ikasle matrikulatu dira, sukaldritza- eta jatetxe-arloko zikloan eta ile-apainketako eta estetika-arloko zikloan. Iazko ikasturtearen emaitzarekin pozik daude arduradunak, izan ere, 15 ikasle erdi-mailako zikloetan matrikulatu dira aurten, eta udaran, 5 ikaslek lortu dute lan-kontratua.

Usurbil: sagarraren bihotza, sagardoaren kultura

2018·09·06

Usurbil: sagarraren bihotza, sagardoaren kultura

Usurbilgo Udalak, Alkartasuna Kooperatibak, Sagardoaren Unibertsitateak, Sagardo Egunaren Lagunak, Noaua!k eta Gipuzkoako Sagardogileen Elkarteak “Usurbil: sagarraren bihotza, sagardoaren kultura” marka eratu dute. Sagarraren eta sagardoaren kultura zabaltzeko eta herrian egiten diren ekimenak bateratzeko eta koordinatzeko helburuz sortu dute. “Iraganean zer izan garen ezagututa, etorkizunera begirako apustua da”, nabarmendu du Xabier Arregi alkateak. Udazkeneko agenda bete-betea dator.

Irailaren 30ean amaitzen da ekintzaileei zuzendutako diru-laguntzetarako proiektuak aurkezteko epea

GARAPEN EKONOMIKOA 2018·09·05

Irailaren 30ean amaitzen da ekintzaileei zuzendutako diru-laguntzetarako proiektuak aurkezteko epea

Usurbilgo Udalak ekintzaileei zuzendutako bi diru-laguntza deialdi dauzka martxan. Hutsik dauden merkataritza-lokaletan jarduera ekonomiko berriren bat jartzeko asmoz dabiltzan ekintzaileei alokairu-gastuetan laguntzeko deialdia da bata, eta, bestea, Kabienen urtebeteko egonaldia ordaintzeko Hasiz Hazi beka-deialdia. Bi deialdietarako proiektuak aurkezteko epea irailaren 30ean bukatzen da.

Zirimara eskola-kirolean lanean jarduteko bi hezitzaile behar dira

2018·08·29

Zirimara eskola-kirolean lanean jarduteko bi hezitzaile behar dira

Zirimara eskola-kirolean hezitzaile moduan lanean jarduteko bi lagun behar direla-eta, Udalak, Udarregik eta Noaua!k lan-deialdia zabaldu dute. Lanaldia urriaren 1etik ekainaren 15era bitarte izango da, astean zazpi orduz. Curriculumak irailaren 17a baino lehen bidali behar dira eskolakirola@udarregi.eus helbidera edota Udarregiko idazkaritzan utz daitezke. Erabakia irailaren 21ean emango da ezagutzera.

Igerileku txikia handitzeko lanak Mariezcurrena enpresak egingo ditu

2018·08·29

Igerileku txikia handitzeko lanak Mariezcurrena enpresak egingo ditu

Oiardo Kiroldegiko igerileku txikia handitu eta irisgarri egiteko lanak Mariezcurrena enpresari esleituko dizkio Udalak. Egun gutxi barru sinatuko dute kontratua, eta, dena ondo bidean, iraila amaieran lanei ekitea aurreikusten da. Bitartean, igerilekuak irekita jarraituko du. Obrak sei hilabete iraungo du, eta 768.000 euroko kostua izango du.

Aginagako jubilatuen egoitzako taberna kudeatzeko esleipenera ez da inor aurkeztu

2018·08·29

Aginagako jubilatuen egoitzako taberna kudeatzeko esleipenera ez da inor aurkeztu

Aginagako Arrate jubilatuen elkarteko taberna kudeatzeko esleipena jarri zuen martxan Udalak uztaila amaieran, baina aldi horretan ez zen inor aurkeztu. Ondorioz, hutsik geratu da esleipena. Edonola ere, udal-gobernuak lanean jarraitzen du zerbitzua eman ahal izateko, eta inork interesik izango balu, udaletxera hurbil daiteke informazio eske. Pleguetan zehazten zenez, gutxieneko kanona, hilekoa, 25 eurokoa izango da, eta Udalak taberna erabat horniturik utziko du.