Eduki publikatzailea

Auzoetako Jaiak 2019

2019·07·26

Auzoetako Jaiak 2019

Zubietako Herri Jaiak, San Estebango Jaiak eta Atxegaldeko Jaiak

Udaleko talde politikoen eta zinegotzien ordainsariak aurreko legealdiko berak izango dira

2019·07·24

Udaleko talde politikoen eta zinegotzien ordainsariak aurreko legealdiko berak izango dira

Atzo arratsaldean egin zuen udalbatzak osoko bilkura, eta udaleko talde politikoen ordainsariak eta zinegotzien dietak izan zituzten hizpide. Udal-gobernuak aurreko legealdiko ordainsariak mantentzea proposatu zuen, aldaketarik edota igoerarik izateko arrazoirik ez dagoela argudiatuta. Halaber, Nafarroako erdialdean berriki izan diren uholde larriak direla eta, hango udalei mila euroko dirulaguntza ematea onartu zuen, kalteei aurre egin ahal izateko. Bestalde, Agurtzane Solaberrieta alkateak jakinarazi zuen, udal-gobernuak beste mila euroko dirulaguntza emango diola Pheland McDermid elkarteari. Uztailaren 6an Uxue Trail herri-lasterketa solidarioarekin bat egin nahi izan du Udalak, eta bere ekarpena egin.

Usurbilgo espazio publikoa aktibatzeko bi proiektu abiatu ditu Udalak

2019·07·18

Usurbilgo espazio publikoa aktibatzeko bi proiektu abiatu ditu Udalak

Guztion Eskualdea Beterri-Buruntzako Udalak sustaturiko ekimena da, eskualdea osatzen duten herrietako merkataritza guneak indartzeko. Usurbilen espazio publikoaren aktibazioa sustatzeko, honako ekintza hauek egingo dira: batetik, Kale Nagusia 10ean kokaturiko pasabidean hobekuntza lanak egingo dira, Askatasuna plazatik Kale Nagusirako lotura bermatzeko; eta, bestetik, Olanoenea plaza, Potxoenea kultur etxearen alboan dagoena, kale altzari berezi batzuekin hornituko da, gune atsegin bat bihurtzeko asmoz. Pasabidean konpontze lanetan daude egun, eta altzariak irailean jarriko dira.

Sexu erasoei aurre egiteko gida eta protokoloa landu ditu Udalak

2019·06·27

Sexu erasoei aurre egiteko gida eta protokoloa landu ditu Udalak

Santixabelak ate joka ditugun honetan, Usurbilgo Udalak garrantzia berezia eman dio festaz gozatzeko guztiok dugun eskubideari. Izan ere, festa giroa ez da berdin izaten guztiontzat. Emakumeek festak askatasunez eta berdintasunez disfrutatu behar dituzte, sexu erasoen beldur sentitu barik, seguru sentituta eta eurenak ere badiren tokiak edota espazioak ukatu gabe. Horregatik, festen testuinguru honetan, bi ekimen jarri ditu martxan Udalak: Alde batetik, eraso matxistarik gabeko jaiak lortzeko helburuz, sexu erasoen gida banatu da etxez etxe. Bestetik, gerta daitekezkeen eraso matxisten aurrean, esku hartzeko protokoloa landu du, txosna batzorde eta gazte mugimenduarekin, Sortzen elkartearen laguntzaz. Hori dela eta, festa hauetan boluntario batzuk besoko morea eramango dute, erasotua laguntzeko helburuz.

Abian dira udalerri euskaldunetako gazteen topaketak

2019·06·26

Abian dira udalerri euskaldunetako gazteen topaketak

Usurbildik abiatu da gaur goizean Salto udalerri euskaldunetako gazteen topaketa ibiltaria. 60 gazte inguru ari dira parte hartzen, eta helburu nagusia gazteak euskararen inguruan kontzientziatzea eta eragile aktibo bihurtzea da. Agurtzane Solaberrieta alkatea haiekin izan da, Usurbil utzi aurretik. Alkatearen esanetan, gazteen konpromisorik gabe, nekez egin dezake aurrera euskarak. "Horregatik, ezinbestekoak ditugu UEMAk antolatu ohi dituen gazteen arteko topaketa hauen gisako ekimenak, erabileraren inertziatik kontzientziarako saltoa emateko, izan ere, hizkuntzari eusteko, ezagutza eta erabilera ez ezik, beharrezkoa dugu hiztun komunitate kontzientziatua eta aktiboa"

Gora Santixabelak!

2019·06·21

Gora Santixabelak!

Jaietako Egitaraua eskuragarri

Kiroldegiko igerilekua astelehenetik aurrera zabalik izango da

2019·06·07

Kiroldegiko igerilekua astelehenetik aurrera zabalik izango da

Azken hilabeteetako lanak amaitu ondoren igerilekua berritu eta erabilgarri egongo da astelehenean

Medeakeko kide batek jasandako eraso sexista eta transfoboa salatu du Usurbilgo Udalak

2019·06·06

Medeakeko kide batek jasandako eraso sexista eta transfoboa salatu du Usurbilgo Udalak

Medeak elkarteak jakinarazi duenez, maiatzaren 23an gizon batek eraso fisiko larria eragin zion Medeak taldeko kide bati, "arrazoi lesbofobo eta transfoboek bultzatuta". Transexuala da biktima. Hori dela eta, Usurbilgo Udalak eraso sexuala eta transfoboa salatu eta elkartasun osoa adierazi nahi du, eta bat egiten du Medeak elkarteak gizarteratutako mezuarekin.

Matiak Kalezarren sustatu nahi duen proiektuari behin-betiko onarpena eman dio udalbatzak, aho batez

2019·05·24

Matiak Kalezarren sustatu nahi duen proiektuari behin-betiko onarpena eman dio udalbatzak, aho batez

Hiri Antolamenduko Arau subsidiarioetako A-96 (Portalmusu) eta A-97 (komentua) eremuen plan bereziari egindako aldaketa izan zuen aztergai atzoko plenoan udalbatzak, izan ere, Matiak Kalezarren garatu nahi duen proiektua erakusketa publikoan izan den bitartean herritar batek alegazio bat aurkeztu du eta Udalak aintzat hartu du. Ondorioz, hasierako plana egokitu behar izan da. Atzoko saioan behin-betiko onarpena eman zitzaion, horrenbestez, etxebizitza zaintzadunen auzunea ahalbidetzen duen plan bereziari. Aho batez onartu zen. Bilkurara jubilatu elkarteetako ordezkariak bertaratu ziren, eta txaloz hartu zuten erabakia.

Ugaldea industriagunea bizi.berritzeko programa idazteko, 15.000 euroko dirulaguntza lortu du Udalak

2019·05·24

Ugaldea industriagunea bizi.berritzeko programa idazteko, 15.000 euroko dirulaguntza lortu du Udalak

Usurbilgo Udalaren lehentasuna bada herriko jarduera sozio-ekonomikoa zaintzea eta sustatzea, eta horri begira ezinbestekoa da egungo industriaguneak eraberritzea. Legealdi honetan aparteko saiakera egin da Ugaldearekin, eta, asteon, industriagune degradatu hori lehengoratzeko esku-hartze programa bat idazteko dirulaguntza garrantzitsua lortu du Udalak Gipuzkoako Foru Aldunditik: 15.000 euro. Industriagunea eraberritzeko helburuz jabeek eratu berri duten elkartearekin elkarlanean aurrera egiteko dirulaguntza garrantzitsua dela dio Xabier Arregi alkateak.

Usurbilgo II. Adikzioen Tokiko Plana onartu du Udalak

2019·05·24

Usurbilgo II. Adikzioen Tokiko Plana onartu du Udalak

Usurbilgo II. Adikzioen Tokiko Plana onartu zuen atzoko bilkuran udalbatzak, aho batez. Planaren iraunaldia 2019-2023 artekoa da eta AGIPADek garatu du. Plana herriko talde eta eragileekin osatu da eta helburu nagusia bizi kalitate hobea duen udalerria lortzea da.

Estitxu Berasategi eta Esther Arrojeria Donostiako Super Amara Bera Bera eskubaloi taldeko jokalariek botako dute aurtengo Santixabeletako txupinazoa

2019·05·23

Estitxu Berasategi eta Esther Arrojeria Donostiako Super Amara Bera Bera eskubaloi taldeko jokalariek botako dute aurtengo Santixabeletako txupinazoa

Atzo bildu zen Santixabeletako jai-batzordea eta, herritarrek egindako proposamenak oinarri, aurtengo txupinazoa nork bota erabaki zuten: Estitxu Berasategi eta Esther Arrojeria Donostiako Super Amara Bera Bera eskubaloi taldeko jokalari usurbildarrek izango dute txupina botatzeko ohorea. Guztira 77 lagunek hartu dute parte, eta 43 proposamen egin dituzte. Jai-batzordeak herriko emakume kirolarien lana, konpromisoa eta esfortzua txalotu eta omendu nahi izan ditu. Bestetik, jaietako egitaraua egiteko lehiaketaren irabazlea ere nor izan den aste honetan ebatzi da: Irati Azkue oroitarrak aurkeztutako lana izan da saritua. Zorionak, beraz, hirukote!!

Usurbilgo kaleak identifikatzeko plakak jarriko ditu Udalak

2019·05·23

Usurbilgo kaleak identifikatzeko plakak jarriko ditu Udalak

Usurbilgo etxeen helbideak edota atari zehatz baten bilaketa errazteko asmoz, kaleetako izenen identifikazio-plakak jarriko ditu Udalak, izena duten kaleetan. Azterketa eta aukeraketa teknikoa egin da plakak ahalik eta egokien kokatzeko. Egunotan gutunak bidali dira komunitateetara, plaka jartzeko baimena eskatzeko. Behin baimen guztiak lortuta jarriko dira plakak, guztira, 70 inguru.

Oinarrizko Lanbide Heziketan aurrematrikulatzeko epealdia ekainaren 3tik 14ra bitarte izango da

2019·05·23

Oinarrizko Lanbide Heziketan aurrematrikulatzeko epealdia ekainaren 3tik 14ra bitarte izango da

2019-20 ikasturtean Usurbilgo Oinarrizko Lanbide Heziketan aurrematrikulatzeko epea ekainaren 3an zabalduko da, eta 14ra arteko epea dago horretarako. Bi ziklo eskaintzen dira Usurbilen: sukaldaritza eta jatetxe arloko oinarrizko lanbide-titulua, eta ile-apainketa eta estetika arloko titulua. 15, 16 eta 17 urteko gazteentzat dago zuzenduta, DBHko graduatua ez dutenentzat, hain zuzen. www.ohl.usurbil.eus webgunean dago matrikula egiteko aukera.

Herriko lokal hutsen poltsa osatzeko hitzarmena sinatu dute gaur Udalak eta 13 jabek

2019·05·21

Herriko lokal hutsen poltsa osatzeko hitzarmena sinatu dute gaur Udalak eta 13 jabek

Herriguneetan hutsik dauden lokalak dinamizatzeko helburuz, Guztion Egitasmoa proiektua sustatzen ari dira Beterri-Buruntzako udalek. Helburu nagusia da lokal hutsen poltsa publiko bat osatzea, negozio bat irekitzeko lokal bila ari den ekintzailearen zeregina errazteko. Udalak zubilana egingo luke lokala eskaintzen eta bilatzen ari direnen artean. Hain zuzen, gaur goizean sinatu dute hitzarmena Udalak eta jarduera ekonomikorik gabeko lokalen bat duten herriko 13 jabek. Udalaren webgunean atal berezitu bat sortuko da, lokalen gaineko informazio guztiarekin.

Usurbilgo Udalak eta Aranzadi Zientzia elkarteak Andatzako gune megalitikoak aztertzen jarraituko dute aurtengo udaran

2019·05·17

Usurbilgo Udalak eta Aranzadi Zientzia elkarteak Andatzako gune megalitikoak aztertzen jarraituko dute aurtengo udaran

Aranzadi Zientzia Elkarteak udan ikerketa arkeologikoak egin izan ditu han-hemenka; udan, euren jarduera nagusietakoa izan ohi da. Gipuzkoan hainbat tokitan egingo dituzte indusketak, tartean, Andatzan. Zehazki, Andatza inguruan, prospekzio arkeologikoa egingo dute, kata eta zundaketekin, Kalkolito eta Brontze Aroa hobeto ezagutzeko. Andatzan badira garai hartako monumentu megalitiko ugari. Lanak uztaila eta urria bitartean egingo dituzte, egun solteetan, eta indusketa honetan eskualdeko pertsonek izango dute lehentasuna. Bost lagun behar dituzte lan horietan laguntzeko, eta interesik izanez gero, honako helbidean eman behar da izena, ekainaren 10a baino lehen: https://docs.google.com/forms/d/e/1FAIpQLSfZ3mb-n7XZ-Z03LqDSDFhjZLnfjiU1XdA83xfFbdslB6hWcw/viewform

Udajolasen izen emateko epea zabalik dago

2019·05·16

Udajolasen izen emateko epea zabalik dago

Maiatzaren 13tik 23ra bitarte egongo da Udajolasen izena emateko aukera, Noaua kultur elkartearen egoitzan, honako ordutegian: astelehenetik ostiralera, 10:00-11:00 artean eta 16:30-18:30 artean. Usurbilen erroldaturiko 4-12 urte arteko 200 haur eta gaztetxoentzako lekua egongo da, uztailaren 3tik 30era (9:30-13:30) izango den Udajolasen. Usurbilgo Udalak eta Noaua Kultur Elkaretak elkarlanean antolatu ohi dituzte udalekuok.

'Maitasuna politikoa da' ikastaroa eskainiko dute UEUk eta Jakinek, Usurbilen

2019·05·16

'Maitasuna politikoa da' ikastaroa eskainiko dute UEUk eta Jakinek, Usurbilen

Maitasunaren ideologiak gure buruak, harremanak eta espazioa nola eraikitzen dituen aztertuko du jardunaldiak. Mari Luz Esteban, Lorea Agirre, Oihane Ruiz, Leire Milikua, Nora Salbotx, Ula Iruretagoiena eta Jone Minerrek hartuko dute parte, besteak beste. Usurbilen egingo da uztailaren 11n eta 12a, eta izena emateko epea zabalik dago jada. Xabier Arregi alkateak esker ona erakutsi die UEUri eta Jakini orain arteko lankidetzarengatik: "Erosoa, erraza, gustagarria da zuekin aritzea. Eta zein den aberatsa!. Ezagutzaren, jakin-minaren eta kulturaren topaleku izan nahi zuen Usurbilek, eta horretarako eskaini genuen gure plaza, gure herria". Izena emateko epea zabalik dago, jada.

Usurbilgo udal-gobernuak bat egin du ostiralerako Ingemarreko langileek deitu duten manifestazioarekin

2019·05·08

Usurbilgo udal-gobernuak bat egin du ostiralerako Ingemarreko langileek deitu duten manifestazioarekin

Galiziako zuzendaritzak eta hango langile-batzordeak akordioa lortu dute Usurbilgo enpresa ixteko. Itxiera salatzeko, Usurbilgo langileek manifestazioa dute ostiralerako eta udal-gobernuak bat egin du protestarekin, izan ere, euren ustez, bidegabea da itxiera eta Usurbilentzat, usurbildarrentzat eta, batez ere, langileentzat galera handia izango da.

Txirikorda, belaunaldiarteko etxebizitza komunitarioa

2019·05·04

Txirikorda, belaunaldiarteko etxebizitza komunitarioa

Ugartondoko urbanizazio berrian Udalak eskuratuko duen eraikin publikoan belaunaldiarteko etxebizitza komunitarioa sustatuko du Usurbilgo Udalak. Herriko gazte eta adinekoei zuzendutako bizigunea izango da: emantzipatu nahi duten gazteak eta konpainian beren neurriko apartamentua nahi duten edadekoak izango dira erabiltzaileak. Proiektuaren nondik norako guztiak zehazteko, azken hilabeteotan parte-hartze prozesu bat burutu da gazteekin eta adinekoekin, eta, hain justu, gaur goizean egindako saioan aurkeztu da proiektua. Guztira, 16 etxebizitza eraikiko dira eta 2021ean egongo da martxan. Proiektua berritzailea da guztiz, mota honetako etxebizitza proiekturik ez baitago Euskal Herrian.