Agenda
22 MAI
Geroz eta gutxiago falta da Santixabeletarako, baina oraindik, besteak beste, txupinazoa nork botako duen erabakitzea falat da. Herritarrek maiatzaren 17ra arte dute aukera izenak proposatzeko, eta, hain justu, maiatzaren 22an Jai Batzordeak egingo duen bileran erabakiko da. Bilera Potxoenean izango da, 18:00etan.
21 MAI
Maiatzaren 26an dira udal hauteskundeak, eta hori dela eta, hilabete honetako plenoa aurreratu egin dute, eta ostegun honetan izango da, ezohikoa. Hain zuzen, azken osoko bilkura izango da. Ohi bezala, 18:00etan, hasiko da. Hauxe, gai-ordena: 1.- Aurreko aktaren onespena: 2019/04/30eko bilkura. 2.- Alkatetzako dekretu hauen berri ematea: 2019ko apirilaren 24tik maiatzaren 16ra (2019/0390-2019/0448). 3.- 2019. urteko Plantilla Organikoaren aldaketa. 4.- 2019. urteko Lanpostuen Zerrendaren aldaketa. 5.- Gipuzkoako Foru Aldundiaren eta Usurbilgo Udalaren arteko hitzarmena, mendekotasun prestazio ekonomikoak jasotzen dituzten herritarrek jasotako zaintzaren kalitatearen aldiko jarraipena egiteko. 6.- Buruntzaldean bazterkeria arriskuan dauden pertsonentzako etxebizitza babestuetan alojamendu- zerbitzuak emateko lankidetza hitzarmenaren aldaketa onartzea. 7.- Usurbilgo II. Adikzioen Tokiko Plana (2019-2023) onartzea. 8.- HAASetako A-96 (Portalmusu) eta A-97 (Komentua) eremuen Hiri Antolamendurako Plan Bereziaren aldaketa. Hasierako onespenerako alegazioa erantzutea eta behin betiko onartzea. 9.- HAASetako A-59 (Ugartondo) eremuaren garapenak eraginda, kale izendegia eguneratzea bost kale berri sortuz. 10.- Zumarte Musika Eskola birgaitu eta handitzeko Construcciones Moyua, SL enpresarekin izenpetutako obra kontratua aldatzea, prezio kontradiktorioak onartuz. 11.- Galdera-eskaerak.
19 MAI
Sagarraren bihotza, sagardoaren kultura
18 MAI
Sagarraren bihotza, sagardoaren kultura
Gaia: “Ilargia eta egutegi biodinamikoa”
13 MAI
Usurbilgo Udalak, Bideginekin (servicio de apoyo al duelo y enfermedad grave avanzada de Gipuzkoa) batera, suizidioagatik izaten diren heriotzen inguruan dagoen isiltasun tabua apurtu eta guztion artean komunikazio, elkarrizketa, hausnarketa gune bat sortu eta, dokumentalean agertzen diren testigantzekin bat eginez, suizidioagatik gertatutako heriotzen ondoren berriro ere bizi daitekela transmititu nahi du. Dokumentala: VOLVER A VIVIR (Sara Bote, 2013) Bidegineko dinamizatzaileak: Izaskun Andonegi eta Txema Ormazabal Eguna: Maiatzaren 13an, 19:00etan Non: Sutegin
11 MAI
Usurbilgo Udaleko Parekidetasun Sailak antolatutako ikastaroa da honakoa. Emakumeon artean mendizaletasunak gora egin du azken urteetan, baina sarri gizonen gidaritzapean egiten ditugu mendi irteerak. Ikastaro honetan autonomia osoz, guk geuk erabakitako lekura joateko ibilbideak diseinatzen ikasiko dugu baita baliabideak eta gaitasunak eskuratu ere. Patri Espinarrek emango du ikastaroa, eta, nagusiki, mendian era seguru batean ibiltzeko orientazioko oinarrizko ezagutza teoriko-praktikoak eskainiko ditu. Horretarako, mapa eta iparrorratza erabiltzen irakatasiko du, era praktiko batean. - Egunak eta ordutegia: Maiatzak 11, 18, 25 eta ekainak 1, 8, 15. Ordutegia 9:30etatik 13:30etara - Izen-ematea: parekidetasuna@usurbil.eus edo 943377110telefonora deituta
8 MAI
Parekidetasun Sailak antolatuta, Pepa Bojok eskainiko duen hitzaldia izango da, eta, besteak beste, honako gai hauek jorratuko ditu: zer da ahalduntzea? Zer nolako lana egiten da talde horietan? Zein emaitza edo ondorio eragiten dute osasunean, edo norberaren aldaketa pertsonalean, edo genero-harremanetan? Eguna: Maiatzak 8 Tokia: Sutegin Ordua: 18:00etan
6 MAI
Maiatzaren 6an Euskaraldia antolatu zuen batzordearen bilera izango da, 18:00etan, Potxoenean.
4 MAI
Txirikorda belaunaldiarteko etxebizitza komunitarioaren proiektua osatzeko hilabeteotan garatu dugun prozesua amaitzear da. Maiatzaren 4ean egingo da azken saioa eta han aurkeztuko dira prozesuak utzi dituen ondorio nagusiak eta hirigintza-proiektua ere. Parte-hartze prozesuan parte hartu dutenei zein parte hartu ez dutenei egiten zaie bertaratzeko deia. Aurkezpena Sutegin izango da, larunbatarekin, 12:30ean. Era berean, proiektuaren eduki nagusiekin erakusketa bat ere jarriko da.
30 API
Apirilaren 30ean osoko ohiko bilkura egingo du Usurbilgo udalbatzak, ohi bezala, 18:00etan. Hona hemen gai-ordena: 1.- Aurreko aktaren onespena: 2019/03/28. 2.- Alkatetzako dekretu hauen berri ematea: 2019ko martxoaren 25etik apirilaren 17ra (2019/0294- 2019/0389). 3.- 2019ko maiatzaren 26an ospatuko diren hauteskundeetarako mahaikideen zozketa. 4.- 2019/0369 dekretuaren berri ematea. 5.- 2019ko Finantza eta aurrekontuen arloko informazioaren berri ematea. 6.- 2020 urterako herriko jaieguna izendatzea. 7.- Galdera-eskaerak.