Agenda

12 UZT
Uztailaren 12an eta 13an Jakin Jardunaldiak egingo dira Usurbilen, eta aurtengo gaia 'Utopia 68/18. Iruditeria berrien bila' izango da. Oraindik ere zabalik dago izen-ematea, www.ueu.eus webgunean. Jardunaldion harira, Udalak “Harria Hitz” bisita gidatua antolatu du uztailaren 12rako. Ibilaldia 18:00etan hasiko da, eta 19:15ean TXTXTX Txokoaldeko Txalaparta Txokoa ezagutzeko aukera izango da. Edozeinek du izena emateko aukera: 688 818 017 / info@kultuor.pro
10 UZT
Usurbilgo festen gaineko balorazioa egiteko bilera irekia antolatu du jai-batzordeak uztailaren 10erako. Herritar eta eragile guztientzat irekitako bilera da, beraz, bere iritzia edota ekarpena egin nahi duen orok du bileran parte hartzeko aukera. Bilera Potxoenean izango da, 18:00etan.
26 EKA
“Aisialdiko testuinguruan sortzen diren egoera asko diskriminatzaileak izan daitezke. Nola identifikatu egoera horiek eta zer egin sexismo egoerak ekiditeko?”, galdera horien gaineko lanketa egiteko doako ikastaroa antolatu du Udalak ekainaren 26rako, haur eta gazteen aisialdian lan egiten duten begiraleentzat. Ikastarorako izena-ematea ekainaren 15a baino lehen egin behar da. Informazio gehiago: 943 37 71 10 edo parekidetasuna@usurbil.eus
26 EKA
Bihar, hileko azken asteartea izaki, osoko bilkura egingo du Udalak, ohi bezala 18:00etan. Hona hemen biharko gai-ordena: 1.- Aurreko bilkuretako akten onespena: * 2018/04/24ko ohiko bilkura. * 2018/05/10eko ezohiko bilkura. 2.- Alkatetzako dekretu hauen berri ematea: 2018ko maiatzaren 21etik ekainaren 15era (2018/0529- 2018/0688). 3.- Alkatetzako 2018/0595 dekretuaren berri ematea. 4.- EUDEL eta HAEErekin batera, Administrazio-izapideen eskuliburua egiteko atxikitze konpromezua hartzea. 5.- Usurbilgo Udalaren 2017 ekitaldiko Kontu Orokorra behin betirako onartzea. 6.- Udalak hilerri berrian eskainitako hilobien gaineko eskubideak esleitzea (10. lotea). 7.- Zumarte Musika Eskola birgaitu eta handitzeko obra kontratuaren esleipena. 8.- Galdera-eskaerak.
20 EKA
Ekainaren 20ean aurkeztuko du Joan Mari Torrealdaik Usurbilen, bere azken liburua: 'El asedio al euskera. Más allá del libro negro (Setioa euskarari, liburu beltzaz harago). Xabier Arregi alkateak emango dio ongi-etorria ekitaldiari, eta Idioia Torregarai eta Mertxe Aizpurua herriko kazetariek elkarrizketatuko dute. Aurkezpena Sutegin izango da, 18:30ean.
19 EKA
Ekainaren 19an herriko ur-sistemaz, funtzionamenduaz, egin diren berrikuntzez, ur-politikez, ur-baliabidez... aritzeko mahai-ingurua antolatu du Usurbilgo Udalak, ekainaren 19rako. Gaian adituak diren pertsonak gonbidatu ditu Udalak: Iñaki Antiguedad Hidrogeologiako katedraduna Euskal Herriko Unibertsitatean; Valentin Dehesa Elikaduraren industrian kontrol-sistemak diseinatzen aditua, eta gai honetan Udalaren ahokularia, eta Xabier Arregi Usurbilgo alkatea. Herritarrek ere izango dute parte hartzeko aukera eta gonbidatuei galderak zuzentzeko. Solasaldia Sutegin izango da, 18:30ean.
13 EKA
Ekainaren 13an, Joxan Artze Guregan herri-omenaldiaren barruan, “Joxan Artze, espirituz ere bai” hitzaldia eskainiko du Andoni Salamerok. Hitzaldia Potxoenean izango da, 18:30ean.
12 EKA
Eskola Kirola berrantolatzeko proposamena landu dute eskola kiroleko hezitzaileek, Udarregi Ikastola, Noaua Kultur Elkartea eta Usurbilgo Udala. Proposamen berritzailea osatu dute, eta datorren ikasturtean bertan jarri nahi dute abian. Aurrez, baina, LHko gurasoei aurkeztu nahi zaie, gurasoen iritzia jasotzeko asmoz. Horretarako, batzarra antolatu dute astearterako, hilak 12: 17:30ean, Sutegin.
8 EKA
Euskararen erabilera areagotzeko helburuz jaio da Euskaraldia ekimena, erakundeek eta euskalgintzako eragileek sustatuta. Azaroaren 23tik abenduaren 3ra bitarte Euskal Herri osoan gauzatuko den ekimena da. Egitasmo horren barruan Usurbilen zer egin daitekeen aztertzen aritu da azken hilabeteotan lantalde bat, eta ekainaren 8an, ostiralarekin, agerraldi bat egingo dute Mikel Laboa plazan, 19:30ean. Herritarrei dei egin diete agerraldi horretan parte hartzera, eta, modu horretan, Euskaraldiari babesa agertzera.