Agenda
26 FEB
24 FEB
Usurbilgo Udaleko Parekidetasun Sailaren enkarguz, Arremanitz Kooperatibak ziklo berri bati helduko dio Usurbilen, herrian jada ematen diren tratu onei merezi duten balioa emateko. Josun Estella Paredekitasun zinegotziaren arabera, bizitza erdigunean jartzen duen greba feministarekin bat egin eta Usurbilgo mugimendu feminista elikatzeko asmoz, antolatu dute zineforuma. "Zaintzak, ezinbestekoak zaizkigun tratu on horiek izango dira gai nagusia eta zaintza langileek gure jendartean duten tokiaren inguruan hausnartuko dugu"
15 FEB
Antolatzailea: Parekidetasun saila. Hizkuntza: Gaztelaniaz. Gero eta emakume eta gizon gehiagok lantzen dute alderdi erromantikoa, beti ere patriarkatutik kanpo dauden harreman sano, eder eta parekideak eraikitzeko. Matxismoak ez digu uzten egoki harremantzen: txikitatik ikasten dugu maitasuna borroka dela, eta bizitza borroka batean, edo norekin borroka egin bilatzen pasatzen dugu. Coral Herrerak, bere liburuetan, patriarkatuak nola mugatzen eta sufriarazten gaituen erakusten digu: idazle madrildarrak uste du erromantikotasun hori erabat politikoa dela, eta harremantzeko beste modu batzuk posible direla. Maitasuna matxismotik askatuz, emakumeok maitatuak izateko beharra izateaz aska gintezke, libreki harremandu gaitezke. Guztion artean maitasun etika bat eraiki behar dugu, gure emozioak kudeatzen ikasteko, tratu ona izateko, egoki elkar maitatu eta zaintzeko, parekidetasunean harremantzeko, samurtasuna, errespetua eta adiskidetasuna ardatz ditugula. Coralek esaten du maitasunean gehiago gozatu eta gutxiago sufritu daitekeela: norbera eta norberaren ingurua aldatzeko tresnak izatean dago gakoa, eta maitasunaren filosofia berri hau zabaltzean. Era horretara, gure adiskidetasun eta sentimendu harreman-sarearekin gozatu ahal izango dugu.
13 FEB
Azala
Euskaraldian bizitutakoa gogora ekarri eta ondorenari buruz hitz egiteko, martxoaren 12rako Kike Amonarriz soziolinguista gonbidatu dute Usurbilera. Martxoko ekitaldi hori prestatzen laguntzeko, otsailaren 13rako bilera antolatu du herriko batzordeak: 18:00etan Potxoenean. Animatu!
5 FEB
2019ko Santixabel jaiak antolatzen hasteko lehen bilera izango da, herriko jaien antolaketarako proposamenen bat duen edonori irekia. Bilera otsailaren 5ean izango da, asteartez, 18:00etan, Potxoenean.
3 FEB
Otsailaren 3an euskarazko zinemea izango da etxeko txikientzat.
29 ENE
Azala
Urtarrilaren 29an, asteartearekin, ohiko osoko bilkura egingo du Usurbilgo udalbatzak. Hauxe gai-ordena: 1.- Alkatetzako dekretu hauen berri ematea: 2018ko abenduaren 10etik 2019ko urtarrilaren 18ra (2018/1537-2019/0100). 2.- A-107 (Iartza) eremuko HEU 107-11 exekuzio unitateari dagokion Xehetasun-Azterketaren aldaketa behin betikoz onartzea. 3.- Mozioa: Pinuen tratamendua. 4.- Galdera-eskaerak.
22 ENE
Aranzadi Zientzia Elkarteko Historiaurreko Arkeologia Saileko Manu Ceberio Rodriguezek eta Izaro Quevedo-Semperenak hitzaldi bat eskainiko dute urtarrilaren 22an, asteartez, Sutegin, Andatzan egin berri duten ikerketa arkeologikoaren emaitzak aurkezteko. Solasaldia 19:00etan hasiko da. Hain zuzen, bi ikertzaileak urteak daramatzate Andatza mendigunearen inguruko okupazioari buruzko azterketa eta interpretazio arkeologikoa egiten, eta aurten X. prospekzio kanpaina egin dute. Horregatik, Andatzan egindako lanak eta lortutako emaitzak azaldu nahi dizkiete usurbildarrei.