Agenda
13 MAY
Usurbilgo Udalak, Bideginekin (servicio de apoyo al duelo y enfermedad grave avanzada de Gipuzkoa) batera, suizidioagatik izaten diren heriotzen inguruan dagoen isiltasun tabua apurtu eta guztion artean komunikazio, elkarrizketa, hausnarketa gune bat sortu eta, dokumentalean agertzen diren testigantzekin bat eginez, suizidioagatik gertatutako heriotzen ondoren berriro ere bizi daitekela transmititu nahi du. Dokumentala: VOLVER A VIVIR (Sara Bote, 2013) Bidegineko dinamizatzaileak: Izaskun Andonegi eta Txema Ormazabal Eguna: Maiatzaren 13an, 19:00etan Non: Sutegin
11 MAY
Usurbilgo Udaleko Parekidetasun Sailak antolatutako ikastaroa da honakoa. Emakumeon artean mendizaletasunak gora egin du azken urteetan, baina sarri gizonen gidaritzapean egiten ditugu mendi irteerak. Ikastaro honetan autonomia osoz, guk geuk erabakitako lekura joateko ibilbideak diseinatzen ikasiko dugu baita baliabideak eta gaitasunak eskuratu ere. Patri Espinarrek emango du ikastaroa, eta, nagusiki, mendian era seguru batean ibiltzeko orientazioko oinarrizko ezagutza teoriko-praktikoak eskainiko ditu. Horretarako, mapa eta iparrorratza erabiltzen irakatasiko du, era praktiko batean. - Egunak eta ordutegia: Maiatzak 11, 18, 25 eta ekainak 1, 8, 15. Ordutegia 9:30etatik 13:30etara - Izen-ematea: parekidetasuna@usurbil.eus edo 943377110telefonora deituta
8 MAY
Parekidetasun Sailak antolatuta, Pepa Bojok eskainiko duen hitzaldia izango da, eta, besteak beste, honako gai hauek jorratuko ditu: zer da ahalduntzea? Zer nolako lana egiten da talde horietan? Zein emaitza edo ondorio eragiten dute osasunean, edo norberaren aldaketa pertsonalean, edo genero-harremanetan? Eguna: Maiatzak 8 Tokia: Sutegin Ordua: 18:00etan
6 MAY
Maiatzaren 6an Euskaraldia antolatu zuen batzordearen bilera izango da, 18:00etan, Potxoenean.
13 ABR
“Harria Hitz” ibilbideak Usurbilek euskal kultura garaikidearen susperraldian izandako garrantzia erakusten du. Beraz, bikoitza da haren interesa. Batetik, ezkutuko harremana izanik ustekabe handia delako; bestetik, Usurbilen, kalean ikusgai dagoen ondarearen maila altua delako. Tapia, Zumeta, Mediburu... Arte lanekin batera, hainbat artisten estudioak ere ezagutuko ditugu. Museoa ez, herria da Usurbil, eta arteaz ez ezik, giroaz ere gozatzeko aukera ematen du. Plan ezinhobea, beraz. 10:00 frontoitik abiatuta. Iraupena 3,5 ordu: TxTxTx Txokoaldeko Txalaparta Txokoa – Oreka TX taldeko txalapartariek Usurbilen entseatzeko eta erakustaldiak egiteko duten gunea– ,eta Zumeta Arte Estudiora –Jose Luis Zumeta margolariak eta bere alaba Usoa Zumetak partekatutako espaziora– ere gerturatuko gara. Antolatzailea: Usurbilgo Udala Informazio eta erreserbak: bisita doakoa izango da, baina aldez aurretik (Apirilak 9 baino lehen) izena ematea beharrezkoa da. 25 lagun, gehienez. Tfnoa.: 688 81 80 17, info@kultour.pro
10 ABR
HAPOaren lanketarako Jarraipen Batzordeak etenaldi luzea izan du, arrazoi desberdinak direla medio. Hala ere, berriz ere ekin zaio dinamika normalizatuari, eta Nora Erdozia arkitektoa jada hasi da Plan Orokorraren berrikuspen eta idazketa lanetan. Lehen egiten zen bezala, hemendik aurrera ere herritarrekin partekatuko dira Planaren diseinuak ekartzen dituen hausnarketak. Hori dela eta, datorren asteazkenean, apirilaren 10ean, arratsaldeko 18:00etan (gehienez bi orduko iraupena) bilera batera deitu du udal-gobernuak Potxoenean. Bilera horretan, kokatze ariketa bat egingo dute: zer egin den orain arte, zer berrikuntza edo garapen izan diren aurrerakina onartu zenetik, etab. Horrenbestez, hariari berriz heltzeko baliatuko da bilera.
9 ABR
Apirilaren 9an, 18:00etan, Potxoenean, Santixabeletako Jai Batzordearen bilera izango da.
3 ABR 10 ABR
Hamabost urtez, Zumarte Musika Eskolak, Usurbilgo Udalarekin elkarlanean, Soinurbil Musika Astea antolatu du Usurbilen apirilaren 1etik 10era. Musika ardatz nagusia den arren, diziplina eta formatu ugariko emanaldiak tartekatu dituzte egitarauan, besteak beste, ikuskizunak, emanaldiak eta musika-eskolen kontzertuak.
28 MAR
Ostegun honetan, hilak 28, ohiko osoko bilkura egingo du Usurbilgo udalbatzak. Hona hemen gai-ordena: 1.- Aurreko aktaren onespena: 2019/02/26ko akta. 2.- Alkatetzako dekretu hauen berri ematea: 2019ko otsailaren 18tik martxoaren 22ra (2019/0202-2019/0293). 3.- 2019ko apirilaren 28an ospatuko diren Hauteskunde Orokorretarako mahaikideen zozketa. 4.- Usurbilgo Udalaren parte hartzea Beterri-Buruntza eskualdeko Tokiko garapen ekonomiko eta sozialerako mankomunitate baten sorreran. 5.- HAASetako A-78 (Zapategi) eremuko hirigintza ezaugarrien Aldaketa Puntuala (03 aldaketa). Hasierako onarpena. 6.- Usurbilgo eta Donostiako Udalen arteko lankidetza hitzarmena, Zubietako eremuan exekutatutako obra eta zerbitzuen inguruan. 7.- Galdera-eskaerak.
27 MAR
Usurbilgo Udalak antolatuta, HH5 urtekoentzat Ixabel Agirresaroberen ipuin kontaketa izango da, liburutegian, martxoaren 27an, 18:00etan.